قىتايمەن شەكارادا مىڭداعان ۆاگون قازاقستانعا وتكىزىلمەي تۇر

None
None
نۇر- سۇلتان. قازاقپارات - قىتاي تاۋارلار ەكسپورتىنا سالعان تىيىمنىڭ مەرزىمىن وسى ايدىڭ سوڭىنا دەيىن ۇزارتتى. قازىر شەكارادا ەلىمىزگە جەتكىزىلۋى ءتيىس مىڭداعان ۆاگون جينالىپ قالدى. قىتاي جاعىندا 3 مىڭداي، ال قازاقستان جاعىندا 7 مىڭ ۆاگون تۇر.

ۇلتتىق تاسىمالداۋشى كومپانيانىڭ بەيجىڭدەگى وكىلدىگى وسىنداي مالىمەت كەلتىرىپ وتىر. جۇزدەگەن ميلليون تەڭگە مولشەرىندە شىعىنعا ۇشىراعان كاسىپكەرلەر دابىل قاقتى. ءۇش مىڭعا جۋىق ۆاگون قىتايدان قازاقستان اۋماعىنا وتە الماي تۇر. قىتايلىق ونىمدەرمەن قاتار، اراسىندا جاپونيا مەن وڭتۇستىك كورەيادان يمپورتتالاتىن تاۋارلار دا بار. ليانيۋنگان قالاسىنداعى قازاقستان مەن قىتايدىڭ بىرلەسكەن لوگيستيكالىق بازا باسشىلىعىنىڭ مالىمەتىنشە، بۇل تەڭىز تاسىمالى قۇنىنىڭ ءوسۋى مەن قىتايدان ەۋروپاعا جونەلتىلەتىن كونتەينەرلىك پويىزدارعا سۇرانىستىڭ ارتۋىنا بايلانىستى بولىپ تۇر.

ەرىك اۋباكىروۆ، ق ر ۇلتتىق تاسىمالداۋشى كومپانيانىڭ قىتايداعى وكىلدىگىنىڭ باسشىسى:

- قىتاي ۇكىمەتى ءۇشىن قازىر كولىكتىڭ ەڭ تۇراقتى ءتۇرى - تەمىرجول. سوندىقتان وعان اۋىرتپالىق ءتۇسىپ وتىر. اۋە تاسىمالى قىمبات ءارى كوپ جۇك تيەي المايسىڭ، تەڭىز تاسىمالى قىمباتتاپ كەتتى جانە ۇزاق جۇرەدى. ال اۆتوكولىكپەن تاسىمالدى ۋاقىتشا توقتاتقانى بەلگىلى. قىتاي جاعىنان ەۋرووداققا كونتەينەرلەر جەتكىزۋگە سۇرانىس جوعارى. وعان ۇكىمەت سۋبسيديا بولەدى. ۇلەسىنە بۇكىل تاسىمالدىڭ % 90- ءى ءتيىپ تۇر، ال ورتالىق ازياعا تەك % 10- ءى تاسىمالدانادى.

ۇلتتىق تاسىمالداۋشى كومپانيا وكىلىنىڭ مالىمدەۋىنشە، قىتاي تاراپى تامىز ايىنان باستاپ ءوز اۋماعىندا تەك جابىق ۆاگونداردىڭ ءوتۋىن توقتاتقان. ال كونتەينەرلەردى ەۋروپا مەن ورتالىق ازياعا تاسىمالداۋعا شەكتەۋ جوق.

ەرىك اۋباكىروۆ، ق ر ۇلتتىق تاسىمالداۋشى كومپانيانىڭ قىتايداعى وكىلدىگىنىڭ باسشىسى:

- قازىر ءبىز جۇكتى ەكى باعدارعا بولەمىز. ورتالىق ازياعا قورعاس- التىنكول وتكەلى ارقىلى وتكىزىپ وتىرمىز. قازاقستاندىق تاۋارلاردىڭ % 80- ءىن دە وسى ستانسيالارعا جىبەرەمىز. دوستىق- الاشانكوۋ ارقىلى نەگىزىنەن قىتايدان ەۋروپاعا قاتىنايتىن پويىزدار وتەدى. جولتابانى ءارتۇرلى بولعاندىقتان، قازاقستاندىق جۇكتى ءتۇسىرىپ، قايتا تيەيدى. ءوز جاعىمىزدا دا وسىلاي ىستەۋدى كوزدەپ وتىرمىز. بۇل بوس ۆاگونداردى ءتيىمدى قولدانۋعا مۇمكىندىك بەرەدى.

قوس ەلدىڭ تەمىرجول كومپانيالارى اراسىندا ەلەكتروندى قۇجات الماسۋدى ەندىرۋ جانە وتكەلدەردە ينفراقۇرىلىمدى جەتىلدىرۋ سەكىلدى تەحنيكالىق جاڭاشىلدىقتار بۇل ماسەلەنى شەشۋدى ۇدەتەدى. ءبىرىنشى ۆيتسە- پرەمەر ءالىحان سمايلوۆ تەلەفونمەن قىتايلىق ارىپتەسى حان چجەنمەن حابارلاسىپ، وسى ماسەلەنىن ءتۇيىنىن تارقاتۋدا ماڭىزدى قادام جاسادى. ولار بۇكىل سالالاردى قامتيتىن قازاقستان مەن قىتاي اراسىنداعى ىنتىماقتاستىق كوميتەتىنە مۇشە. الداعى ايلاردا قۇزىرلى ورگاننىڭ ءماجىلىسى ءوتىپ، قوس تاراپ شەكاراداعى جاعدايدى رەتتەۋ بويىنشا العاشقى قورىتىندى شىعارادى.

اۆتورى: بوتاگوز سىرعابايەۆا

www.24.kz

سوڭعى جاڭالىقتار