شەتەلدىكتەردىڭ زاڭ بۇزۋىنا قازاقستاندىقتاردىڭ وزدەرى كومەكتەسەدى – ءى ءى م
بۇل تۋرالى ق ر ءى ءى م كوشى- قون قىزمەتىنىڭ ەرەكشە تاپسىرمالار جونىندەگى اعا ينسپەكتورى باۋىرجان وماروۆ ءمالىم ەتتى، دەپ حابارلايدى قازاقپارات ءتىلشىسى.
«پوليتسيا قىزمەتكەرلەرى جىلدىڭ باسىنان بەرى ەلدەن شىعارۋ تۋرالى سوت شەشىمىن ورىنداۋدان جالتارىپ جۇرگەن 149 شەتەلدىكتى انىقتادى. ولار ەلدەن ماجبۇرلەپ قۋىلدى. ەلدەن شىعارۋعا جۇمسالعان قاراجات سوت تارتىبىمەن شەتەلدىكتى شاقىرعان نەمەسە ونىڭ ەڭبەگىن پايدالانعان تۇلعاعا پوليتسيانىڭ شاعىمىمەن ءوندىرىپ الىنادى. وپەراتسيا وتكىزىلگەن ۋاقىتتا ماجبۇرلەپ شىعارۋعا جۇمسالعان شامامەن 1 ميلليون تەڭگە ءوندىرىپ الىندى»، - دەدى ول ىشكى ىستەر مينيسترلىگىندە وتكەن بريفينگ بارىسىندا.
ونىڭ اتاپ وتۋىنشە، كوشى-قون احۋالىنا جۇرگىزىلگەن ساراپتاما شەتەلدىكتەردىڭ ەلىمىزدىڭ اۋماعىنا زاڭدى تۇردە كەلەتىنىن كورسەتكەن.
«الايدا، كەي جاعدايدا كوشى- قون زاڭناماسىن بۇزۋشىلار قاتارىنا اۋىسىپ كەتەدى. بۇعان كوپ جاعدايدا قازاقستان ازاماتتارىنىڭ وزدەرى كومەكتەسىپ جاتادى. زاڭبۇزۋشىلىقتاردىڭ باسىم بولىگى - شەتەلدىكتەردى رۇقسات قۇجاتىن الماستان جۇمىسقا تارتۋعا بايلانىستى»، - دەدى باۋىرجان وماروۆ.
اۆتور: مارلان جيەمباي