تاشكەنتتە قازاقستان جانە وزبەكستان سەناتتارى اراسىندا كەلىسسوزدەر ءوتتى

None
None
تاشكەنت. قازاقپارات - تاشكەنتتە قازاقستان پارلامەنتى سەناتى ءتوراعاسىنىڭ ورىنباسارى اسقار شاكىروۆ وزبەكستان ولي ءماجليسى سەناتى ءتوراعاسىنىڭ ءبىرىنشى ورىنباسارى سوديك سافويەۆپەن كەزدەستى، دەپ حابارلايدى قازاقپارات ق ر پارلامەنتى سەناتىنىڭ باسپا ءسوز قىزمەتىنە سىلتەمە جاساپ.

كەزدەسۋدە سەنات سپيكەرى ماۋلەن اشىمبايەۆتىڭ وزبەكستانعا رەسمي ساپارى اياسىندا قابىلدانعان «2021-2022 -جىلدارعا ارنالعان پارلامەنتارالىق ىنتىماقتاستىقتى دامىتۋ جونىندەگى جول كارتاسىن» ىسكە اسىرۋ بارىسى تالقىلاندى. سۇحباتتاسۋ كەزىندە تاراپتار تۋريزم، ەكولوگيا، سۋ رەسۋرستارىن باسقارۋ، ينۆەستيتسيا سالالارىنداعى ەكىجاقتى بايلانىستىڭ قۇقىقتىق بازاسىن جەتىلدىرۋ بويىنشا ءوزارا ءىس- قيمىل ماسەلەلەرىنە باسا ءمان بەردى.

شەكارا ماڭىنداعى ىنتىماقتاستىقتى ارتتىرۋ، شاعىن جانە ورتا بيزنەستى دامىتۋ جانە ارال پروبلەماسىنا قاتىستى ماسەلەلەرگە دە ەرەكشە نازار اۋدارىلدى. سونىمەن قاتار كەزدەسۋدە ەكى ەلدىڭ سەناتتارى اراسىنداعى ىنتىماقتاستىق جونىندەگى كوميسسيانىڭ وسىعان دەيىن وتكەن وتىرىسىنىڭ حاتتاماسىنا قول قويىلدى.

ءىس- شاراعا قازاقستاندىق سەناتورلار اقمارال ءالنازاروۆا مەن ءالىمجان قۇرتايەۆ قاتىستى. ولار وزبەكستانعا ەقىۇ پا مەن ت م د پ ا ا- نىڭ بايقاۋشىلار ميسسياسى قۇرامىندا ەلدەگى پرەزيدەنت سايلاۋىنا مونيتورينگ جۇرگىزۋ ءۇشىن بارعان بولاتىن. تاشكەنتكە پرەزيدەنت سايلاۋىنا بايقاۋشى رەتىندە بارعان سەنات ۆيتسە- سپيكەرى سايلاۋ الدىنداعى ءىس- شارالار اياسىندا وزبەكستان ولي ءماجليسى زاڭ شىعارۋ پالاتاسىنىڭ سپيكەرى نۋردينجون يسمويلوۆپەن جانە وزبەكستان ورتالىق سايلاۋ كوميسسياسىنىڭ ءتوراعاسى زاينيددين نيزامحودجايەۆپەن كەزدەستى.

سونداي- اق ۆيتسە- سپيكەر حالىقارالىق بايقاۋشىلارمەن، اتاپ ايتقاندا ە ق ى ۇ پا- نىڭ ءتوراعاسى مارگارەت سەدەرفەلتپەن كەزدەستى. وندا ورتالىق ازيا ەلدەرىندە ورنىقتى دامۋ ماقساتتارىن ودان ءارى دارىپتەۋ ماسەلەسى جانە اۋعانستانداعى احۋال ءسوز بولدى.

سوڭعى جاڭالىقتار