بەيبىت سەيدۋاليەۆا: كوزىمشە توقتاردىڭ ەرنىنەن ءسۇيىپ كەتكەن قىزدار بولدى

None
None
نۇر-سۇلتان. قازاقپارات - بەيبىت سەيدۋاليەۆا جارى توقتارمەن 20 جاسىندا تانىسقان. ەكەۋى قىز-جىگىت بولىپ 7 جىل جۇرگەنىمەن، مۇنى ۇزاق ۋاقىت بويى حالىقتان جاسىرعان.

سول ارالىقتا توقتارعا دا، بەيبىتكە دە سەزىمىن بىلدىرگەن قىز-جىگىتتەر كوپ بولىپتى. بۇل تۋرالى سەيدۋاليەۆا «جۇلدىزدىڭ جارى» باعدارلاماسىندا ايتتى، دەپ حابارلايدى Stan.kz اقپارات اگەنتتىگى.

«ول مەنى ءبىرىنشى كوردى. بايقاۋعا قاتىسۋعا شاقىردى. ەكەۋمىز سوندا تانىسىپ، سويلەستىك. مەن ءان ايتتىم. توقتار «سىعان سەرەناداسىن» ايتتى. ول ءاندى بازارلاردان كوپ ەستىپ ءجۇردىم. ونى باسقا جىگىت ايتادى دەپ ويلاپپىن. ءوزىم ورىس سىنىبىندا وقىعاندىقتان، قازاقتىڭ انشىلەرىنە كوپ ءمان بەرمەيدى ەكەنمىن. اتاعى شىعىپ كەلە جاتقان ءانشى ەكەنىن سول كەزدە ءبىلدىم»، - دەپ اعىنان جارىلدى بەيبىت.

سەرىكوۆ ءبىر كورگەننەن ۇناتقان ارۋدىڭ جۇرەگىن جاۋلاۋ ءۇشىن نەشە ءتۇرلى ارەكەتكە بارعان كورىنەدى. بىردە ەلدىڭ الدىندا جىر ارناسا، كەلەسىدە «سەنى تۇسىمدە كوردىم، ەكەۋمىز قول ۇستاسىپ ءجۇرىپپىز» دەپ الداعان.

«مەنى قاراتۋ ءۇشىن نەشە ءتۇرلى جالعان اڭگىمەلەر ايتتى. اۋزىم اشىلىپ، سەنىپ قالدىم»، - دەدى بەيبىت.

جۇلدىزدى جۇپ ءبىراز ۋاقىتقا دەيىن قارىم-قاتىناسىن جۇرتتان جاسىرىپ كەلگەن. سەيدۋاليەۆا اتا-انادان، تۋعان-تۋىستان ۇيالعانىن جەتكىزدى. ەكەۋىنىڭ دە باسى بوس دەپ ويلاسا كەرەك، فاناتتار توقتارعا دا، بەيبىتكە دە حات جازىپ، مازا بەرمەگەن كورىنەدى.

«توقتارعا كەلگەن حاتتاردى بىرگە وقيتىنبىز. ول - ونەر ادامى عوي. نەگە قىزعانامىن؟ ماعان دا حات جازىپ، ءتىپتى توقتاردىڭ وزىنەن تەلەفونىمدى سۇراعان جىگىتتەر بولدى. وندا تۇرعان ەشتەڭە جوق. ءبىز سول ءۇشىن جارالدىق قوي. حالىققا ۇناۋ ءۇشىن، كوزىنە ادەمى بولىپ كورىنۋ ءۇشىن... ونەر نە ىستەتپەدى؟ ءبىراق ءارى ەشقايدا كەتە قويعان جوقپىز. ءتۇزۋ جولمەن جۇردىك. ەشبىر قاۋەسەتكە، جامان اتقا ىلىنگەن جوقپىز.

قىزدار كوپ بولدى. كوزىمشە بەتىنەن دە، ەرنىنەن دە ءسۇيىپ العان قىزدار بولدى. جاعاسىن جۇلىپ اكەتكەن قىزدار دا بولدى. ول - ونەر. ونەردە ءبارى بولادى. قىزعانا بەرسەڭ، سىيلاستىق تا، ەشتەڭە دە قالمايدى. ادام ءوزىن مەڭگەرە ءبىلۋ، ءوزىن ۇستاي ءبىلۋ كەرەك»، - دەدى بەيبىت.

سوڭعى جاڭالىقتار