19:29, 22 - قازان 2021 | GMT +6
ەلوردادا توبەسىنە مەتال كونسترۋكسيا قۇلاعان ايەل اۋرۋحاناعا ءتۇستى
نۇر-سۇلتان. قازاقپارات - نۇر-سۇلتاندا كوپقاباتتى ءۇي شاتىرىنان مەتال كونسترۋكسياسى قۇلادى.
زارداپ شەككەن ايەل ءتۇرلى جاراقات الىپ، جانساقتاۋ بولىمىنە ءتۇستى، دەپ حابارلايدى قازاقپارات ءتىلشىسى.
«اتالعان وقيعا بويىنشا نۇر-سۇلتان قالالىق قوعامدىق دەنساۋلىق ساقتاۋ باسقارماسى كوپتەگەن جاراقاتى بار، ونىڭ ىشىندە مي جاراقاتى بار ناۋقاستىڭ 2№ كوپبەيىندى قالالىق اۋرۋحاناعا جەتكىزىلگەنىن حابارلايدى. قابىلداۋ كەزىندە ناۋقاستىڭ جاعدايى اۋىر دەپ باعالاندى. ايەلگە جەدەل تۇردە وتا جاسالدى، قازىرگى ۋاقىتتا ول جانساقتاۋ بولىمىندە جاتىر»، - دەپ حابارلادى قالالىق دەنساۋلىق ساقتاۋ باسقارماسى.
باسقارمانىڭ حابارلاۋىنشا، بارلىق قاجەتتى ەمدەۋ شارالارى جۇرگىزىلىپ جاتىر. ناۋقاس مەديتسينا قىزمەتكەرلەرىنىڭ باقىلاۋىندا.