USD 436.29 EUR 492.83
RUB 5.92 CNY 68.48
جاڭالىقتار

سولتۇستىك قازاقستاندا شەكتەۋلەر تاعى دا قاتاڭداتىلدى

22 قازان 15:10
:ءبولىسۋ
سولتۇستىك قازاقستاندا شەكتەۋلەر تاعى دا قاتاڭداتىلدى

پەتروپاۆل. قازاقپارات - سولتۇستىك قازاقستان وبلىسىندا وڭىرلىك كوميسسيانىڭ شەشىمىمەن 25-قازاننان باستاپ كارانتيندىك شارالار تاعى دا قاتاڭداتىلادى، دەپ حابارلايدى قازاقپارات ءتىلشىسى.

س ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى اسەت جۇماتايەۆ وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا 25-قازاننان باستاپ قانداي شەكتەۋلەر ەنگىزىلەتىنىن ايتتى:

1) Ashyq جوباسىنا قاتىساتىن الەۋمەتتىك- ەكونوميكالىق نىسانداردىڭ جۇمىس ۋاقىتى شەكتەلەدى. دۇيسەنبى- جۇما ارالىعىندا Ashyq جوباسىنا قاتىساتىن بارلىق وبەكتىلەر ساعات 22.00-گە دەيىن، Ashyq جوباسىنىڭ كوشباسشىلارى ساعات 00.00-گە دەيىن جۇمىس ىستەيدى؛

2) دەمالىس كۇندەرى Ashyq جوباسىنا قاتىساتىن بارلىق نىساندار ساعات 22.00-گە دەيىن، Ashyq جوباسىنىڭ كوشباسشىلارى ساعات 00.00-گە دەيىن جانە قىزمەتكەرلەر مەن كەلۋشىلەردە تەك قاۋىپسىز «جاسىل» مارتەبەسى بولعان جاعدايدا (ۆاكسيناتسيا، سىنامالاردى ىرىكتەۋ ساتىنەن باستاپ 7 تاۋلىكتەن اسپايتىن تەرىس ناتيجەسى بار پ ت ر تەست ، تۇراقتى مەديتسينالىق قارسى كورسەتىلىمدەرى بار ادامدار، سوڭعى 3 اي ىشىندە اۋىرىپ جازىلعان ادامدار) جۇمىس ىستەيدى؛

3) وسى تارماقتا كورسەتىلگەن «جاسىل» مارتەبەنىڭ بولۋىنا قويىلاتىن تالاپتار جانە جۇمىس رەجيمىنىڭ شەكتەۋلەرى وبلىسارالىق جانە وبلىسىشىلىك تۇراقتى تاسىمالدارعا، قوناق ۇيلەرگە، اۋەجايلارعا، تەمىرجول، اۆتوموبيل اۆتوستانسالارىنا/اۆتووتپەلەرگە، جولاۋشىلارعا قىزمەت كورسەتۋ پۋنكتتەرىنە، ءبىلىم بەرۋ نىساندارىنا، ج و و- لارعا، كوللەدجدەرگە، ينتەرناتتارعا جانە ءبىلىم بەرۋ ۇيىمدارىنىڭ جاتاقحانالارىنا قولدانىلمايدى؛

4) Ashyq جوباسىنا قاتىساتىن الەۋمەتتىك- ەكونوميكالىق نىساندارعا، ونىڭ ىشىندە «جاسىل» مارتەبەسى بارلارعا:

1. سالتاناتتى، ەستەلىك، وتباسىلىق ءىس- شارالاردى (بانكەتتەر، ۇيلەنۋ تويلارى، مەرەيتويلار) وتكىزۋگە؛

2. ادامدار كوپ جينالاتىن كونفەرەنتسيالار، فورۋمدار، ويىن- ساۋىق جانە وزگە دە ءىس- شارالاردى ۇيىمداستىرۋعا؛

3. كورمەلەردى وتكىزۋگە؛

4. كورەرمەندەرمەن وتكىزىلەتىن سپورتتىق ءىس- شارالاردى وتكىزۋگە؛

5. جابىق ءۇي- جايلاردا كوپ اداممەن قۇدايعا قۇلشىلىق ەتۋگە تىيىم سالىنادى.

5) مەديتسينالىق- الەۋمەتتىك نىساندارعا (قارتتار، مۇگەدەكتەر ۇيلەرى، بالالار ۇيلەرى جانە باسقالارعا) كەلۋشىلەردىڭ كىرۋىنە تىيىم سالۋ وزگەرىسسىز قالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات