14:55, 22 - قازان 2021 | GMT +6
الماتىداعى ۇشاق اپاتى: بورتتا «قايرات » فۋتبولشىلارى بولعان
نۇر-سۇلتان. قازاقپارات - الماتى حالىقارالىق اۋەجايىندا كولىكپەن سوقتىعىسقان ۇشاقتا الماتىلىق «قايراتتىڭ» فۋتبولشىلارى مەن جاتتىقتىرۋشىلار شتابى بولعان، دەپ حابارلايدى Sports.ru پورتالى.
FlyJet اۋە كومپانياسىنىڭ ۇشاعى ۇشۋ- قونۋ جولاعىندا Renault اۆتوكولىگىمەن سوقتىعىسقان.
«قايرات» كومانداسى رەيسپەن باكۋدەن ورالعان. وندا قاراباحقا قارسى كونفەرەنتسيا ليگاسىنىڭ توپتىق كەزەڭىنىڭ كەزدەسۋى وتكەن.
وقيعانىڭ ءمان- جايى انىقتالۋدا. ۇشاق كولىككە سوعىلعاننان كەيىن جولاۋشىلار اپاتتىق ەۆاكۋاتسيانى كۇتىپ، ۇشاقتا ءبىر ساعاتتان استام ۋاقىت وتىرعان.
قازىرگى ۋاقىتتا ق ر قىلمىستىق كودەكسىنىڭ 344-بابىنىڭ 1-بولىگى (اۋە كولىگىنىڭ قوزعالىس قاۋىپسىزدىگى جانە پايدالانۋ قاعيدالارىن بۇزۋ) بويىنشا سوتقا دەيىنگى تەرگەۋ باستالدى. قازىرگى ۋاقىتتا ءىس بويىنشا قاجەتتى تەرگەۋ ارەكەتتەرى جۇرگىزىلىپ جاتىر.
بۇعان دەيىن الماتى اۋەجايىندا ۇشاقتىڭ جەڭىل كولىكپەن سوقتىعىسقانى تۋرالى جازعان بولاتىنبىز.