تويدا اسا اۋىر التىن اشەكەي تاققان قىتايلىق قالىڭدىق جۇرە الماي قالدى

None
None
نۇر -سۇلتان. قازاقپارات - قىتايدىڭ حۋبەي پروۆينسياسىندا ۇيلەنۋ تويىندا قالىڭدىق كۇيەۋ جىگىتى سىيلىق رەتىندە بەرگەن 60 كيلوگرامم التىن اشەكەيدى تاعىپ جۇرە الماي قالدى.

ءداستۇر بويىنشا قالىڭدىقتىڭ قالىڭمالىن تولەۋ ءۇشىن التىندى كۇيەۋ جىگىتتىڭ وتباسى ساتىپ الىپ بەرگەن. ونىڭ تۋىستارى قىزعا ەكى ءىرى بىلەزىك تارتۋ ەتكەن. ال كۇيەۋ جىگىتتىڭ ءوزى ءارقايسىسىنىڭ سالماعى ءبىر كيلوگرامم تارتاتىن 60 قىمبات القا تاقتى.

اشەكەيلەر اۋىر بولعانى سونشالىق قالىڭدىق وزدىگىنەن جۇرە المادى، وعان بولاشاق كۇيەۋى كومەكتەستى.

قالىڭ مال تولەۋ - ازيانىڭ، افريكانىڭ جانە تاياۋ شىعىستىڭ كەيبىر ەلدەرىندە ساقتالعان ەجەلگى ءداستۇر. قىتايدا قالىڭدىقتىڭ تۋىستارى نەكەگە كەلىسۋ ءۇشىن ادەتتە 200000 يۋان (12 ميلليون تەڭگە) مەن پاتەر تالاپ ەتەدى.

رەسەيدە، ۋكراينادا جانە كوپتەگەن ەۋروپا ەلىندە كەرىسىنشە ادەت- عۇرىپ كەڭىنەن تارالعان: كۇيەۋ جىگىتتىڭ وتباسى قالىڭدىقتىڭ جاساۋىن كۇتەدى.



سوڭعى جاڭالىقتار