جاسىرىن الەۋمەتتىك جەلى

None
None
نۇر-سۇلتان.قازاقپارات - GetEmotions - كەز كەلگەن ادامعا كەز كەلگەن تاقىرىپتا سۇراق قويىپ، سوعان سايكەس پىكىر الماسۋعا مۇمكىندىك بەرەتىن جاسىرىن الەۋمەتتىك جەلى. بۇل وتاندىق IT ماماندارىنىڭ تەحنولوگيالىق ءونىمى.

الەۋمەتتىك جەلىنى ويلاپ تاپقان ايتۋعان وماروۆتىڭ ايتۋىنشا، جوبا ەكى ماسەلەنى شەشۋگە ارنالعان. ايتالىق، ادامدار كۇندەلىكتى الۋان ءتۇرلى جاعدايعا تاپ بولىپ، دۇرىس ءارى ءتيىمدى شەشىم تابا الماي قينالىپ جاتادى. مىنە، وسىعان كەلگەندە اتالعان پلاتفورما جەلى قولدانۋشىلارىنىڭ كوڭىلىنەن شىعاتىن كەڭەستەر بەرۋگە قولعابىس ەتەدى دەيدى جوبانىڭ اۆتورى.

«ءبىزدىڭ الەۋمەتتىك جەلىدە «سۇراق- كەڭەس» دەپ اتالاتىن ارنايى بلوك قاراستىرىلعان. مۇندا وزىڭىزگە قىزىقتى جانە تولعاندىراتىن كەز كەلگەن سۇراقتى جاسىرىن تۇردە قويىپ، سوعان سايكەس جەلى قولدانۋشىلارىنان الۋان ءتۇرلى جاۋاپتار الا الاسىز»، دەدى ا. وماروۆ.

جوبا اۆتورلارى ايتقانداي، بۇل - تولىعىمەن جاسىرىن الەۋمەتتىك جەلى. سول سەبەپتى جەكە باستى كۋالاندىراتىن مالىمەتتەردى قاجەت ەتپەيدى. قويىلاتىن ساۋالداردى كىم قوياتىنى دا بەلگىسىز كۇيدە قالادى دەپ العا تارتتى اۆتورلار. دەسە دە سۇراقتاردى پلاتفورمانىڭ اكىمگەرلەرى كورۋگە حاقىلى. ەگەر دە بەلگىلەنگەن تالاپقا ساي كەلمەيتىن ساۋالدار بولسا، ول بىردەن بۇعاتتالادى. رۇقسات بەرىلگەن سۇراقتار ءمازىردىڭ وڭ جاق بۇرىشىندا ورنالاستىرىلادى. بارلىق پايدالانۋشى ونى كورىپ، كەز كەلگەن قولدانۋشى وعان جاۋاپ جازىپ، جاسىرىن چات جۇرگىزىلەدى. سۇراققا ورىنسىز جاۋاپ قايتارىلسا، قولدانۋشى جاۋاپ يەسىن بۇعاتتاي الادى. جەلى قولدانۋشىسى جولداعان ساۋالىن كەرى قايتارىپ السا، وندا وسىعان قاتىستى بارلىق حات- حابار دا لەزدە جويىلادى.

ا. وماروۆتىڭ پىكىرىنە سۇيەنسەك، قاتىسۋشىلاردىڭ جەكە دەرەكتەرىن جەلى اكىمگەرلەرى دە كورمەيدى. ولاردىڭ قۇزىرەتىنە تەك سۇراقتاردى وڭدەپ، رۇقسات بەرۋ كىرەدى. الەۋمەتتىك جەلى جەكە ينۆەستيتسيالار ەسەبىنەن جۇزەگە اسىرىلىپتى.

جاقسىلىق مۇراتقالي

egemen.kz

سوڭعى جاڭالىقتار