ەلباسى ەلوردانى كوشىرۋ تۋرالى: قامىس پەن باتپاقتان باسقا ەشتەڭە بولمادى

«مەن ەلوردانى اۋىستىرۋدى 1993 -جىلدان بەرى ويلاپ ءجۇردىم. اقمولاعا جاقىن تەمىرتاۋ قالاسىندا 20 جىلداي ەڭبەك ەتكەنمىن، سوندىقتان قالا تۋرالى اقپاراتىم بار. سول جىلى كۇزدە اقمولا قالاسىنا ارنايى كەلدىم. قالانىڭ شەتى تولعان قامىس پەن باتپاق. قاسىمدا بۇرىنعى وبلىستىق كومسومولدىڭ بۇرىنعى حاتشىسى براۋن (براۋن اندرەي گەورگييەۆيچ - اۆت.) تۇردى، مەن وعان وسى جەردە استانانى تۇرعىزامىز دەدىم. ول ماعان: نۇرسۇلتان ءابىش ۇلى، بۇل نە دەگەنىڭىز بۇل جەردە باتپاقتان باسقا ەشتەڭە جوق»، دەدى. راسىمەن، باتپاق پەن قامىستان باسقا ەشتەڭە بولمادى. باسىندا ەلوردامىز سولاي بولدى. سودان سوڭ مەن اراب ەلدەرىنە بارىپ، سولتۇستىكتە ورنالاسقان حالىق ەكەنىمىزدى ايتىپ، ءبىزدى قولداۋىن سۇرادىم. مەن ول كەزدە ءبىزدىڭ ەلوردامىزدىڭ شىعىس پەن باتىستى بايلانىستىرعانىن قالادىم. ماعان كوپشىلىگى كومەكتەستى»، - دەدى ەلباسى نۇرسۇلتان نازاربايەۆ «حابار» تەلەارناسىندا كورسەتىلگەن «شتريحي ك پورترەتۋ. وتكروۆەنيە» اتتى دەرەكتى فيلمدە.

بۇعان دەيىن ەلىمىزدىڭ تۇڭعىش پرەزيدەنتى پرەزيدەنتتىكتەن باس تارتاتىنى تۋرالى كىمگە ءبىرىنشى حابارلاعانىن جاريا ەتتى.