سەرىك ساپيەۆ مينيسترلىكتەگى ورىنباسارلارىنىڭ ۇستالعانى جايلى

None
None
نۇر-سۇلتان. قازاقپارات - وليمپيادا چەمپيونى سەرىك ساپيەۆ Youtube-تەگى دينارا ءساتجاننىڭ ارناسىنا بەرگەن سۇحباتىندا جەمقورلىقتىڭ بەتىن قالاي اشقانىن ايتىپ بەردى، دەپ حابارلايدى Vesti.kz.

2020-جىلى مامىردا اقشا جىمقىرعانى ءۇشىن ونىڭ ورىنباسارلارى ۇستالدى. ول كەزدە ساپيەۆ ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى قىزمەتىندە بولعان. جاقىندا ول بۇل قىزمەتىن بوساتتى.

- ەكى ورىنباسارىڭدى ۇستادى. قىلمىستىق ءىس قوزعالدى. كوبى سەنى قىزمەتىڭنەن سول كەزدە كەتەدى دەپ كۇتتى. ول وقيعالاردى ورنىڭنان قازىر كەتىپ وتىرعانىڭمەن بايلانىستىرۋعا بولا ما؟

- ەكى ورىنباسارىمنىڭ ۇستالعانى تۋرالى ايتقانمىن، ءبىراق، تولىقتاي ەمەس. ورايى كەلگەندە تارقاتىپ باياندايىن. ەكى ورىنباسار - ەكەۋى دە ءبىر قىزمەتتە. بىرەۋى ماعان دەيىن ورىنباسار بولعان، ونىڭ ورنىنا ەكىنشىسى كەلگەن. قۇرىلىسپەن بايلانىستى ورىن. ولار بىلتىر ۇستالدى، الايدا، ول وقيعا بۇرىنىراق باستاۋ العان ەكەن. 2019-جىلى مەن كوميتەتكە كەلدىم. سوسىن جىل سوڭىندا ريددەردەگى مەكتەپ ينتەرناتىنىڭ قۇرىلىسىندا تۇسىنىكسىز جاعداي بولىپ جاتقانىن بايقادىم. قۇرىلىس توقتاي بەردى، بانك كەپىلىمەن قيىندىقتار، نىساندى سالىپ جاتقان ج ش س جەتەكشىسى اۋىستى. مۇندا جەمقورلىق جاعدايى بارىن سەزدىم. سوسىن جەمقورلىققا قارسى ءىس-قيمىل اگەنتتىگىنە، اليك شپەكپايەۆتىڭ وزىنە جەكە جازدىم، ارالاسىپ، وسى جاعدايدى تەكسەرۋىن سۇرادىم.

- وسىدان كەيىن تەرگەۋ باستالدى ما؟

- ءبىراز ۋاقىتتان كەيىن ورىنباسار بولعان ەكەۋىن ۇستادى. بۇرىن ىستەگەنى دە، سول كەزدە قىزمەت اتقارىپ جاتقانى دا. سوسىن سوت پروتسەسسى باستالدى. تەكسەرىس ءبارىبىر بولاتىن ەدى دەپ ويلايمىن. ويتكەنى اقشا تولەنگەنىمەن، قۇرىلىس جۇرمەدى. 300 ميلليونداي سوما. سوسىن سوت شەشىمى شىعىپ، ەكەۋى سوتتالدى.


سوڭعى جاڭالىقتار