الماتىدا جاڭا ۋنيۆەرسيتەت اشىلدى

None
None
الماتى. قازاقپارات - الماتىدا De Montfort University Kazakhstan حالىقارالىق ۋنيۆەرسيتەتى اشىلدى، دەپ حابارلايدى قازاقپارات ءتىلشىسى.

الماتى اكىمى De Montfort University Kazakhstan ۋنيۆەرسيتەتىنىڭ رەكتورى دجەيمس پاۋندەرمەن كەزدەستى. تاراپتار جۇمىستىڭ پەرسپەكتيۆالىق جوسپارلارىن تالقىلادى. ماسەلەن، وقۋ باعدارلاماسىنا ІТ ، كرەاتيۆتى يندۋستريا بويىنشا ماماندىقتار ەنگىزىلەدى.

بۇل باعىتتارعا الماتىنىڭ 2050 -جىلعا دەيىنگى دامۋ ستراتەگياسىندا ەرەكشە كوڭىل بولىنگەن. بۇل قازاقستاندا وقىتۋعا ليتسەنزيا العان جانە ۇزدىك ءبىلىم بەرۋ ستاندارتىن ەنگىزۋ ءۇشىن قۇرىلعان العاشقى شەتەلدىك ۋنيۆەرسيتەت. تۇلەكتەرگە DMU لەستەر ۋنيۆەرسيتەتى ( ۇلى بريتانيا) دارەجەسى بەرىلەدى.

«ءبىزدىڭ جاستارىمىز الماتىدان كەتپەي- اق بەدەلدى جوعارى وقۋ ورنىندا جوعارى ءبىلىم الۋ مۇمكىندىگىنە يە بولادى. قىزىعۋشىلىق بىلدىرگەندەر از ەمەس. ءبىرىنشى كۋرسقا 700 تالاپكەر ۇمىتكەر بولدى. باكالاۆرياتقا 145 ستۋدەنت ءتۇستى. كەلەسى جىلدان باستاپ ماگيستراتۋرا اشىلادى»، - دەپ اتاپ ءوتتى باقىتجان ساعىنتايەۆ.

جاڭادان اشىلعان ج و و- دا وقىتۋ دارىستەر، بەيرەسمي سەمينارلار، پراكتيكالىق ساباقتار، ماستەر- كلاستار، پىكىرتالاستار جانە ونلاين وقىتۋ ارقىلى جۇزەگە اسىرىلادى. ساباقتاردى حالىقارالىق دەڭگەيدەگى جوعارى بىلىكتى وقىتۋشىلار وتكىزەدى. وقىتۋدا بولاشاق مەنەدجەرلەر مەن كاسىپكەرلەردىڭ پراكتيكالىق داعدىلارىن تەرەڭدەتىپ دامىتۋعا ىقپال ەتەتىن ناقتى بيزنەس- كەيستەر مەن وقۋ تاسىلدەرى قولدانىلادى.

جالپى، ۋنيۆەرسيتەت الماتىدا 20 ميلليون دوللار ينۆەستيتسيامەن الەمدىك دەڭگەيدەگى جەكە كامپۋستىڭ قۇرىلىسىن باستاۋعا نيەت بىلدىرۋدە.

اۆتور: الما مۇقانوۆا


سوڭعى جاڭالىقتار