ەلوردادا شوقان ءۋاليحانوۆتىڭ ءومىرى مەن مۇراسىنا ارنالعان كىتاپ تانىستىرىلدى - فوتو

None
None
نۇر-سۇلتان. قازاقپارات - نۇر-سۇلتان قالاسىندا «شوقان ءۋاليحانوۆتىڭ تاعدىرى مەن مۇراسى» اتتى كىتاپتىڭ تۇساۋكەسەرى ءوتتى، دەپ حابارلايدى قازاقپارات ءتىلشىسى.

جاڭا كىتاپ قازاقتىڭ عالىمى، ساياحاتشى، ەتنوگراف، اعارتۋشى شوقان ءۋاليحانوۆتىڭ 185 جىلدىعىنا وراي جارىققا شىقتى. اۆتوردىڭ ايتۋىنشا، تۋىندىدا بۇعان دەيىن كوپشىلىككە بەلگىسىز بولعان دەرەكتەر بەرىلگەن. جانە ول كىتاپتى جازۋ بارىسىندا ۇلتتىق عىلىم كادەمياسىنىڭ كىتاپحاناسىندا، رەسەيدىڭ سىرتقى ساياسات جانە مەملەكەتتىك تاريح مۇراعاتىندا كوپتەگەن زەرتتەۋ جۇرگىزگەن.


«بۇل تۋىندى دا شوقاننىڭ ءومىرى مەن شىعارماشىلىعىنا قاتىستى بۇرىن- سوڭدى جاريا ەتىلمەگەن دۇنيەلەر بار. ونىڭ ارحيۆ جانە باسقا دا دەرەك كوزدەرىن زەرتتەي كەلە انىقتادىم. وسى ورايدا شوقاننىڭ ءومىربايانى مەن ونىڭ قالدىرعان مۇراسى تولىعا ءتۇستى دەسەم دە بولادى. ارينە، شوقان ءۋاليحانوۆقا قاتىستى ءالى دە اشىلماعان سىر مەن دەرەك جەتىپ جاتىر. وعان قاتىستى زەرتتەلەتىن دۇنيە كوپ. مىسالى، عالىمنىڭ قايتىس بولعان كۇنىنە قاتىستى ءالى كۇنگە دەيىن ناقتىلىق جوق. بىردە الكەي مارعۇلان شوقاندى ءومىر بويى زەرتتەۋ كەرەك دەگەن ەدى. سوندىقتان دا شوقان تاقىرىبى قاي ۋاقىتتا دا ماڭىزدى. مەن ءوز شىعارمامدا شوقاندى عالىم، اعارتۋشى ەمەس قاراپايىم ادام رەتىندە زەرتتەپ، ونىڭ ادامگەرشىلىك قاسيەتىنە تەرەڭىرەك توقتالىپ ءوتتىم. تولىعىراق كىتاپتان وقىپ جاتارسىزدار دەگەن ۇمىتتەمىن»، - دەدى تاريحشى، شوقان تۋرالى جارىق كورگەن جاڭا كىتاپتىڭ اۆتورى جاراس ەرمەكباي.


اۆتور قازاق اعارتۋشىسى جايلى مالىمەت جيناۋعا 25 جىلعا جۋىق ۋاقىتىن جۇمساعان جانە بۇل باعىتتاعى جۇمىستىڭ جالعاساتىنىن ايتتى.

«شوقان ءۋاليحانوۆتىڭ تاعدىرى مەن مۇراسى» اتتى كىتاپتىڭ تۇساۋكەسەرى ەلورداداعى ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ءوتتىن جانە وعان قوعام قايراتكەرلەرىمەن قاتار اعارتۋشى قاۋىم وكىلدەرى قاتىستى. ايتا كەتەيىك، اتالعان تۋىندىنى ق ر اقپارات جانە قوعامدىق دامۋ مينيسترلىگى مەن «رۋحاني جاڭعىرۋ» ينستيتۋتىنىڭ قولداۋىمەن «QazaqGeography» رەسپۋبليكالىق قوعامدىق بىرلەستىگى باسىپ شىعاردى.


اۆتور: ءالي يبرايەۆ


سوڭعى جاڭالىقتار