تاەكۆوندوشى جانسەل دەنيز حالىقارالىق تۋرنيردىڭ جەڭىمپازى اتاندى

None
None
اتىراۋ. قازاقپارات - قازاقستاندىق تاەكۆوندوشى جانسەل دەنيز حالىقارالىق تۋرنيردىڭ جەڭىمپازى اتاندى، دەپ حابارلايدى قازاقپارات.

اتىراۋ وبلىستىق سپورت جانە دەنە شىنىقتىرۋ باسقارماسىنىڭ باسپا ءسوز قىزمەتىنەن ءمالىم ەتكەندەي، 16-17- قازاندا چەرنوگوريانىڭ استاناسى - پودگوريتسادا «Montenegro Podgorica Open 2021» حالىقارالىق تۋرنيرى وتكەن.

«حالىقارالىق G-1 دەڭگەيىندەگى رەيتينگ تۋرنيرىنە الەم ەلدەرىنەن 200 دەن استام سپورتشى قاتىستى. قازاقستاننىڭ نامىسىن قورعاعان تاەكۆوندوشىلار قاتارىندا جانسەل دەنيز دە بار. ول جارىستى ەكىنشى اينالىمنان باستاپ، 73 كەلىگە دەيىنگى سالماقتا باق سىنادى. الدىمەن مولدوۆا، كەيىن برازيليا سپورشىسىن قاپى قالدىردى. اقتىق سىندا تۇركيا تاەكۆوندوشىسىمەن كەزدەستى. قوسىمشا راۋندتا قارسىلاسىن 2:0 ەسەبىمەن جەڭگەن وتانداسىمىز تۋرنيردىڭ جەڭىمپازى اتانىپ، التىن مەدالدى يەلەندى»، - دەپ حابارلادى باسقارمانىڭ باسپا ءسوز قىزمەتى.

ەسكە سالا كەتەلىك، قىركۇيەك ايىنىڭ سوڭىندا جانسەل دەنيز تۇركيادا وتكەن حالىقارالىق تۋرنيردىڭ جەڭىمپازى اتانعان بولاتىن.

سوڭعى جاڭالىقتار