ريەۆاكسيناتسيادان باس تارتقاندارعا شەكتەۋ قولدانىلا ما - مينيسترلىك جاۋابى
ورتالىق كوممۋنيكاتسيالار قىزمەتىندە وتكەن بريفينگىدە دەنساۋلىق ساقتا ۋمينيسترلىگىنىڭ وكىلدەرىنە وسىنداي ساۋال قويىلدى، دەپ حابارلايدى قازاقپارات ءتىلشىسى.
بۇل سۇراققا دەنساۋلىق ساقتاۋ ءمينيسترىنىڭ ورىنباسارى - ق ر باس سانيتار دارىگەرى ەرلان قياسوۆ جاۋاپ بەردى.
«ريەۆاكسيناتسيانى ۆاكسينانىڭ ءۇشىنشى دوزاسىن الۋ دەپ اتاۋعا بولادى. ياعني، ۆاكسينانىڭ ەكى كومپونەنتىن الىپ قويعان ازاماتتارعا بۇگىندە ريەۆاكسينانتسيادان وتپەگەنى ءۇشىن قانداي دا ءبىر قوسىمشا شەكتەۋلەر قاراستىرىلىپ جاتقان جوق. بۇل ماسەلەلەردى ازىرگە قاراپ تا جاتقان جوقپىز. بۇل جەردە ايتا كەتەتىن دۇنيە، ريەۆاكسيناتسيا پروتسەدۋراسىنىڭ ءوزى كوپ جاعدايدا الدىن الا بەلگىلەنگەن توپتار اراسىندا وتەدى. ولاردىڭ كىمدەر ەكەنىن باعانا دا ايتتىق. ياعني، بۇل ساناتقا حالىقتىڭ دەنساۋلىعى وسال توپتارى جاتادى. سونداي-اق، اعزاداعى انتيدەنەنىڭ تالداۋى تەرىس ناتيجە كورسەتكەن ادامدار ەرىكتى تۇردە ريەۆاكسيناتسياعا كەلە الادى»، - دەدى ەرلان قياسوۆ.