دوستاستىق ەلدەرىنىڭ ساۋدا- ەكونوميكالىق بايلانىستارىن جانداندىرۋ قاجەت - پرەزيدەنت

بۇل تۋرالى ت م د ۇيىمىنا مۇشە مەملەكەتتەر باسشىلارى كەڭەسىنىڭ كەزەكتى وتىرىسىندا قازاقستان پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ساۋدا- ەكونوميكالىق ىنتىماقتاستىقتى جانداندىرىپ، ۇلعايتۋ ءبىرىنشى كەزەكتى مىندەت. ءبىرقاتار بەدەلدى حالىقارالىق ۇيىمنىڭ مالىمەتى بويىنشا ت م د مەملەكەتتەرىنىڭ وڭىرشىلىك تاۋار اينالىمى 91 ميلليارد دوللاردى نەمەسە الەمدىك ساۋدا دەڭگەيىنىڭ 0,5 پايىزىن عانا قۇرايدى. بۇل رەتتە دوستاستىق ەلدەرىنىڭ ءوزارا ساۋدا ۇلەسى ءبىزدىڭ مەملەكەتتەرىمىزدىڭ سىرتقى الەممەن جالپى تاۋار اينالىمىنىڭ شامامەن 20 پايىزىن الىپ وتىر»، - دەدى قاسىم- جومارت توقايەۆ.

ق ر پرەزيدەنتىنىڭ اتاپ وتۋىنشە، بۇل كورسەتكىشتەر دوستاستىق ەلدەرى ساۋدا- ەكونوميكالىق بايلانىستى ايتارلىقتاي ارتتىرۋى ءۇشىن مول الەۋەتتىڭ بار ەكەنىن كورسەتەدى.

«سوندىقتان ەكونوميكالىق ءوزارا ءىس- قيمىلدىڭ قازىرگى ادىستەرىن وي ەلەگىنەن وتكىزىپ، جەتىلدىرۋ ءۇشىن بىرلەسكەن ۇلكەن جۇمىس اتقارۋ قاجەت»، - دەدى مەملەكەت باسشىسى.

تاۋەلسىز مەملەكەتتەر دوستاستىعى ەلدەرى ونەركاسىپ كەشەنىن دامىتۋدىڭ جاڭا باعدارلاماسىن ازىرلەۋى كەرەك.

«ت م د ەلدەرىنىڭ ونەركاسىپتىك كووپەراتسياسىن كەڭەيتۋگە، ونىڭ ىشىندە بىرلەسكەن كاسىپورىندار قۇرۋعا، شارۋاشىلىق سۋبەكتىلەرىنىڭ وندىرىستىك بايلانىستىلىعى مەن ءتيىمدى ىنتىماقتاستىعىن قامتاماسىز ەتۋگە نەگىزگى نازار اۋدارۋ قاجەت. بۇل ءۇشىن كەمىندە 2025 -جىلعا دەيىن قولداۋدىڭ ناقتى تەتىكتەرى مەن قۇرالدارى بار ونەركاسىپ كەشەنىن دامىتۋدىڭ جاڭا باعدارلاماسىن ازىرلەۋدى ۇسىنامىز»، - دەدى قاسىم- جومارت توقايەۆ.

ق ر پرەزيدەنتىنىڭ اتاپ وتۋىنشە، ساۋدا- ينۆەستيتسيالىق قىزمەتتى نىعايتۋدا ساۋدا قىزمەتتەرى تۋرالى كەلىسىمگە قول قويۋ دا قوسىمشا مۇمكىندىكتەر اشادى.

«سونىمەن قاتار ءبىز وسىناۋ ماڭىزدى قۇجاتتى كەلىسۋ پروتسەسىن جەدەلدەتۋ قاجەت دەپ سانايمىن. سونىمەن قاتار ورتاق اگرارلىق نارىق قۇرۋ ماسەلەسى دە وتەكتى دەپ سانايمىز. اۋىل شارۋاشىلىعى سەكتورىنداعى كووپەراتسيانى تەرەڭدەتۋ ازىق- تۇلىك قاۋىپسىزدىگىن قامتاماسىز ەتۋگە، ينفراقۇرىلىمداردى دامىتۋعا، يننوۆاتسيالىق جوبالاردى جۇزەگە اسىرۋعا باعىتتالۋى ءتيىس. وسى تۇرعىدان العاندا تمد مەملەكەتتەرىنىڭ ازىق- تۇلىك جۇيەسىنىڭ ءوزارا ءىس- قيمىلىن دامىتۋ ستراتەگياسىن ازىرلەۋ ءبىزدىڭ ورتاق مۇددەمىزگە جاۋاپ بەرە الار ەدى»، - دەدى مەملەكەت باسشىسى.