ەلىمىزدە ورتاشا جالاقىنى ەسەپتەۋ ءتاسىلى وزگەرەدى

«قىزمەتكەردىڭ ورتاشا جالاقىسى ورتاشا كۇندىك (ساعاتتىق) جالاقىنى بەس كۇندىك نەمەسە التى كۇندىك جۇمىس اپتاسىنداعى جۇمىس ۋاقىتىنىڭ بالانسىنا قاراي وقيعا كەزەڭىنە سايكەس كەلەتىن جۇمىس كۇندەرىنىڭ (جۇمىس ساعاتتارىنىڭ) سانىنا كوبەيتۋ جولىمەن ەسەپتەلەدى»، - دەلىنگەن بۇيرىق جوباسىندا.

وسىلايشا، جۇمىس ۋاقىتىنىڭ جيىنتىق ەسەبى قىزمەتكەردىڭ ورتاشا جالاقىسى ورتاشا ساعاتتىق جالاقىنى ورتاشا جىلدىق جۇمىس ساعاتتارىنىڭ سانىنا كوبەيتۋ جولىمەن ەسەپتەلەدى ورتاشا جالاقىنى ەسەپتەۋ كەزىندە ەسكەرىلمەيتىن تولەمدەرگە مىنالار جاتادى:

- جىل سايىنعى اقىلى ەڭبەك دەمالىسىنىڭ پايدالانىلماعان بولىگى ءۇشىن بەرىلەتىن وتەماقى؛

- ەڭبەككە ۋاقىتشا قابىلەتسىزدىگى بويىنشا الەۋمەتتىك جاردەماقى، سونداي- اق جۇمىس بەرۋشى بەلگىلەيتىن الەۋمەتتىك جاردەماقى مولشەرىنە قوسىمشا تولەمدەر؛

- ەڭبەك دەمالىسىن بەرۋ كەزىندە قىزمەتكەرلەرگە تولەنەتىن جىل سايىنعى ەڭبەك دەمالىسى؛

- قىزمەتتىك ءىسساپارلارعا جىبەرۋ وتەماقىلارى؛

- تۇراقتى جۇمىسى جولدا وتەتىن نەمەسە ءجۇرىپ-تۇرۋ سيپاتى بار نە قىزمەت پەن بايلانىستى وتەماقى تولەمدەر؛

- دالالىق جۇمىستارمەن اينالىساتىن قىزمەتكەرلەرگە دالالىق جابدىقتالىم؛

- قىزمەتكەر جۇمىس بەرۋشىمەن بىرگە باسقا جەرگە جۇمىسقا اۋىسقان نەمەسە كوشكەن كەزدە تولەنەتىن وتەماقى؛

- تاراپتاردىڭ كەلىسىمى نەگىزىندە قىزمەتكەردىڭ (جەكە تۇلعانىڭ) جەكە مۇلكىن جۇمىس بابىنا پايدالانۋ كەزىندەگى شىعىستاردى وتەۋ؛

- بەرىلگەن ءسۇتتىڭ نەمەسە وعان تەڭەستىرىلگەن تاماق ونىمدەرىنىڭ نەمەسە ديەتالىق (ەمدىك جانە پروفيلاكتيكالىق) تاماقتانۋعا، ارنايى كيىمگە جانە باسقا دا جەكە قورعانىش قۇرالدارىنا ارنالعان مامانداندىرىلعان ونىمدەردىڭ قۇنى؛

- قىزمەتكەر ەڭبەك مىندەتتەرىن اتقارعان كەزدە ونىڭ ءومىرى مەن دەنساۋلىعىنا كەلتىرىلگەن زياندى وتەۋ جونىندەگى تولەمدەر (جوعالتىلعان جالاقىسى بولىگىندەگى تولەمدەردەن باسقا)؛

- قىزمەتكەرلەرگە جۇمىس بەرۋشى كورسەتەتىن ماتەريالدىق كومەك (اقشالاي جاردەماقى) (بالا تۋعان كەزدە، مەديتسينالىق قىزمەتتەرگە اقى تولەۋ ءۇشىن، جەرلەۋگە جانە باسقا دا جاعدايلاردا)، سونداي-اق جۇمىس بەرۋشىنىڭ قاراجاتى ەسەبىنەن ۇجىمدىق شارتتا نەمەسە جۇمىس بەرۋشىنىڭ اكتىسىندە قوسىمشا كوزدەلگەن وتەماقىلار مەن الەۋمەتتىك كەپىلدىكتەردى تولەۋ؛

- ءبىرجولعى كوتەرمەلەۋ تولەمدەرى ء(بىرجولعى اقشالاي سىياقىنى قوسا العاندا)؛

- جۇمىس بەرۋشىنىڭ كىناسىنەن جالاقى تولەۋ كەشىكتىرىلگەن كەزدە جانە مىندەتتى زەينەتاقى جارنالارىن ۋاقتىلى اۋدارماعانى ءۇشىن جۇمىس بەرۋشى جۇمىسكەرگە تولەيتىن ءوسىمپۇلدار؛

- جۇمىس بەرۋشىنىڭ قىزمەتكەرلەردى وقىتۋعا جانە ولاردىڭ بىلىكتىلىگىن ارتتىرۋعا بايلانىستى شىعىستارى؛

- سپورتتىق بايقاۋلاردا، كونكۋرستاردا جانە جارىستاردا جۇلدەلى ورىندار ءۇشىن بەرىلەتىن اقشالاي ناگرادالار؛

- قىزمەتكەرگە مەملەكەتتىك جانە قوعامدىق مىندەتتەردى ورىنداۋ ورنى بويىنشا تولەنگەن جالاقى؛

- ەڭبەك كودەكسىنىڭ 72-بابىنا سايكەس كۇندەلىكتى جۇمىستى (جۇمىس اۋىسىمىن) بولىكتەرگە ءبولۋ كەزىندە جۇمىسكەرلەرگە جۇمىسى ءۇشىن وتەماقى تولەمدەرى؛

- بالانى تاماقتاندىرۋعا ارنالعان ۇزىلىستەر ۋاقىتىندا ساقتالاتىن ورتاشا جالاقى؛

- بوس تۇرىپ قالعان جاعدايدا قىزمەتكەرلەرگە تولەنگەن سومالار. «ق ر قولدانىستاعى ەڭبەك كودەكسىندە اۋىسىمدىق جانە ۆاحتالىق ادىسپەن جۇمىس ىستەيتىن جۇمىسكەرلەرگە ولاردىڭ اۋىسىمارالىق، ۆاحتاارالىق دەمالىسىنا ەڭبەك دەمالىسىن بەرۋگە تىيىم سالىنباعان. وسىعان بايلانىستى، ءارتۇرلى جۇمىس رەجيمدەرى بار جۇمىسكەرلەردە ەڭبەك دەمالىسى كەزەڭىنە كەلەتىن جۇمىس ساعاتتارىن ەسەپتەۋ كەزىندە تەڭگەرىمسىزدىككە جول بەرمەۋ ءۇشىن ورتاشا جالاقىنى ەسەپتەۋ كەزىندە جۇمىس ساعاتتارىنىڭ ورتاشا جىلدىق سانىن العان ءجون»، - دەپ جازىلعان جوبانىڭ تۇسىندىرمەسىندە بۇيرىق جوباسى 28-قازانعا دەيىن «اشىق ن ق ا» پورتالىندا تالقىلانادى.

اۆتور: ەسىمجان ناقتىباي