رەسەيدە ىزدەۋدە بولعان ەكى كولىك شىعىس قازاقستاننان تابىلدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 11-1- قازان ارالىعىندا ءوڭىر اۋماعىندا قىلمىسقا قارسى كۇرەستىڭ بىرلەسكەن شارالارىنىڭ مەملەكەتارالىق باعدارلاماسى شەڭبەرىندە ارنايى جەدەل الدىن الۋ شاراسى جۇرگىزىلىپ جاتىر. مۇنداعى ماقسات - ۇرلىقتى اشۋ جانە اۆتوكولىكتى ايداپ اكەتۋمەن اينالىساتىن حالىقارالىق قىلمىستىق توپتاردىڭ جولىن كەسۋ.
«شارانىڭ ەكى كۇنىندە كولىكتى ايداپ اكەتۋدىڭ 3 فاكتىسى تىركەلدى. ونىڭ ىشىندە بۇرىن جاسالعان 2 قىلمىس اشىلعان. بارلىق ىستەر بويىنشا سوتقا دەيىنگى تەرگەۋ امالدارى جۇرگىزىلۋدە»، - دەپ حابارلادى ۆەدومستۆو وكىلدەرى.
بۇدان بولەك، ءتارتىپ ساقشىلارى ۇرلانعان اۆتوكولىكتەر مەن قوسالقى بولشەكتەردى وتكىزۋ ورىندارىن تەكسەرىپ جاتىر. سونىڭ ناتيجەسىندە رەسەي فەدەراتسياسىندا ىزدەۋدە بولعان 2 اۆتوماشينا انىقتالدى. اتالعان كولىكتەر ايىپپۇل تۇراعىنا قويىلىپ، ءتيىستى ساراپتامالار تاعايىندالدى.