اۋىر اتلەتيكادان الەم چەمپيوناتىندا قازاقستان قورجىنىنا تاعى ءبىر «التىن» ءتۇستى

None
None
تالدىقورعان. قازاقپارات - جەتىسۋلىق ارۋ اۋىر اتلەتيكادان جاسوسپىرىمدەر اراسىنداعى الەم چەمپيوناتىندا ەل قورجىنىنا ەكىنشى التىن جۇلدەنى سالدى، - دەپ حابارلايدى قازاقپارات ءتىلشىسى.

ساۋد ارابياسىنداعى جاسوسپىرىمدەر اراسىنداعى الەم چەمپيوناتىندا رۋفينا چالكاروۆا ەكىنشى «التىندى» جەڭىپ الدى. بويجەتكەن الماتى وبلىسى قاراتال اۋدانى ۇشتوبە قالاسىندا دۇنيەگە كەلگەن. قازىرگى ۋاقىتتا ول تالدىقورعان قالاسىنداعى سپورت- ينتەرناتىندا 10-سىنىپتا وقيدى. سپورتشى 81 كەلىدەن جوعارى سالماق دارەجەسىندە ۇزدىك اتاندى. قوسسايىس ەسەبىندە ول 247 (107+140) كيلوگرامم كوتەردى.

ەكىنشى ورىن برازيليادان كەلگەن تيانا جۋستينوعا بۇيىردى-219 كەلى. قولا مەدالدى فاتماگۋل چيەۆيك (تۇركيا) جەڭىپ الدى - 203 كەلى. ايتا كەتەيىك، بۇعان دەيىن ءبىرىنشى ورىندى 102 كەلىگە دەيىنگى سالماقتا راحات بەكبولات يەلەنگەن ەدى. رۋفينا جاسوسپىرىمدەر اراسىندا ق ر بىرنەشە دۇركىن چەمپيونى.

«ءوز جەڭىسىمدى قازاقستان تاۋەلسىزدىگىنىڭ 30 جىلدىعىنا ارنايمىن. ارينە، قيىن بولدى، ءبىراق مەن سوڭىنا دەيىن شىدادىم. مۇنىڭ ارتىندا ۇلكەن ەڭبەك تۇر. كۇندەلىكتى جاتتىعۋلار، جاتتىقتىرۋشىنىڭ سپورتتىق رۋحتى قالىپتاستىرۋى، جەرلەستەردىڭ قولداۋى جەڭىس تۋىن جەلبىرەتۋگە جىگەر بەردى»، - دەپ اتاپ ءوتتى رۋفينا چالكاروۆا.


سوڭعى جاڭالىقتار