فۋتبول: قازاقستان جاستارى ەلوردادا تۇركيا قۇراماسىنا جول بەردى

بۇگىنگى كەزدەسۋدە ويىن تاعدىرىن 27-مينۋتتا تۇركيالىق ەنيس دەستان سوققان جالعىز گول شەشتى.

بۇدان كەيىن قوس قۇراما تاراپىنان ەسەپتى وزگەرتەتىن مۇمكىندىكتەر بولعان ەدى. دەگەنمەن تابلوداعى ەسەپ وزگەرىسسىز قالدى.

كەزدەسۋدە قازاقستان جاستارى قارسىلاسىنا 0:1 ەسەبىمەن جول بەردى. ەندى ولار الداعى ويىنىن 12- قاراشادا سىرت الاڭدا شوتلانديامەن شەبەرلىك بايقاسادى.

ەسكە سالساق، قازاقستان جاستارى I توبىندا سىنعا تۇسەدى. قارسىلاستارى - بەلگيا، دانيا، شوتلانديا جانە تۇركيا قۇرامالارى.

قازىر تۋرنير كەستەسىندە ءۇش ويىننان كەيىن توعىز ۇپاي جيناعان بەلگيا قۇراماسى كەلەدى.

قازاقستان جاستار قۇراماسى ازىرگە بەسىنشى ورىندى قاناعات تۇتىپ وتىر. بۇدان بۇرىن ولار 4- ماۋسىمدا ءوز الاڭىندا بەلگيادان 1:3 ەسەبىمەن جەڭىلسە، 7- قىركۇيەكتە دانياعا 0:1 ەسەبىمەن جول بەردى. ودان كەيىن سىرت الاڭدا بەلگياعا 0:2 ەسەبىمەن جەڭىلدى.