فۋتبولدان الەم چەمپيوناتى: قازاقستان قۇراماسى فينليانديامەن كەزدەسەدى

ويىن ەلوردا ۋاقىتىمەن 20:00 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

ايتا كەتسەك، بۇعان دەيىن ەكى قۇراما ءبىر مارتە شەبەرلىك بايقاستى. بيىل الەم چەمپيوناتى ىرىكتەۋ ساتىسىنداعى العاشقى ويىندا قازاقستاندىق فۋتبولشىلار اتالعان قارسىلاسىنا 0:1 ەسەبىمەن ەسە جىبەردى.

فينليانديا بۇعان دەيىن الەم چەمپيوناتى فينالدىق ساتىسىندا باق سىناپ كورگەن ەمەس. ال 2020-جىلعى ەۋروپا چەمپيوناتىندا ۆ توبىندا بەلگيا، دانيا جانە رەسەيمەن شەبەرلىك بايقاسىپ، ءۇشىنشى ورىن الدى.

ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرتسوگوۆينا، فينليانديا.

ەسكە سالساق، بۇدان بۇرىن قازاقستان ەلوردادا بوسنيا جانە گەرتسوگوۆيناعا 0:2 ەسەبىمەن ەسە جىبەردى.

قازاقستان قۇراماسى بۇعان دەيىن التى ويىن وتكىزدى. ۇشەۋىندە تەڭ ناتيجە تىركەلىپ، ۇشەۋىندە قارسىلاستارىنا ەسە جىبەردى. بۇدان كەيىن قازاقستاندىق فۋتبولشىلار 13- قاراشا سىرت الاڭدا فرانسيامەن كەزدەسەدى.

بۇل توپتا التى ويىننان كەيىن 12 ۇپاي جيناعان فرانسيا كوش باسىندا كەلەدى. قازاقستان ءتورت ويىننان كەيىن 3 ۇپايمەن بەسىنشى ورىندا تۇر.