المات كەبىسپايەۆ گرەك- ريم كۇرەسىنەن الەم چەمپيوناتىندا قولا جۇلدەگەر اتاندى

گرەك- ريم كۇرەسىنەن قازاقستان قۇراماسىنىڭ كاپيتانى، تاجىريبەسى مول 33 جاستاعى ا. كەبىسپايەۆ قولا جۇلدە ءۇشىن بەلدەسۋدە تۇركيالىق مۋرات فىراتپەن كىلەمگە شىقتى. بۇعان دەيىن الەم چەمپيوناتىندا ا. كەبىسپايەۆ ءبىر رەت كۇمىس، ءۇش مارتە قولا جۇلدە العان بولاتىن. ال 24 جاستاعى قارسىلاسىنىڭ ونداي تابىستارى جوق ەدى.

الدىمەن ا. كەبىسپايەۆتى تورەشى پارتەرگە جاتقىزعاننان كەيىن تۇرىك بالۋانى 3:0 ەسەبىمەن العا كەتتى. ەكىنشى كەزەڭدە الماتقا سونداي مۇمكىندىك بەرىلگەندە، ەسە قايتارىپ، ەسەپتى 7:4 كە جەتكىزدى. وسىلايشا كۇرەس تۇرلەرىنەن وتكەن دۇنيەجۇزىلىك دودادا قازاقستان قۇراماسى قوس جۇلدە الدى. بۇعان دەيىن ءجاميلا باقبەرگەنوۆا ەكىنشى ورىنعا كوتەرىلگەن ەدى. ەسكە سالا كەتەيىك، بۇدان بۇرىن الەم چەمپيوناتىندا ايەلدەر كۇرەسىنەن ءجاميلا باقبەرگەنوۆانىڭ كۇمىس جۇلدەگەر اتانعانىن جازعان بولاتىنبىز.