الماتىدا ۇزدىك مۇعالىمگە پاتەر بەرىلەدى

«كەلەسى جىلدان باستاپ قالاداعى بارلىق مۇعالىمنىڭ جالاقىسى %25 وسەدى. ول ءۇشىن قاجەتتى قاراجات قاراستىرىلدى، سوندىقتان 1- قاڭتاردان باستاپ مۇعالىمدەردىڭ جالاقىسى ارتادى. سونداي-اق ەلىمىزدەگى مۇعالىمدەردىڭ بىلىكتىلىگى مەن مارتەبەسىن كوتەرۋ اياسىندا ەكى جىلدان بەرى «پەداگوگ مارتەبەسى» تۋرالى زاڭ جۇمىس ىستەپ جاتىر. وعان قوسا قالا اكىمدىگى دە مۇعالىمدەردىڭ مارتەبەسىن كوتەرۋگە كوڭىل ءبولىپ كەلەدى»، - دەيدى ول.

سونىمەن قاتار، ول بيىل قالا اكىمدىگىنىڭ باستاماسىمەن ەكىنشى جىل قاتارىنان دارىندى، ۇزدىك مۇعالىمدەردى انىقتايتىن بايقاۋ وتكىزىلىپ جاتقانىن تىلگە تيەك ەتتى.

«الماتىنىڭ ۇزدىك مۇعالىمى اتانعان مامانعا ەكى بولمەلى پاتەردىڭ كىلتى تابىستالادى. ءبىرىنشى ورىنعا - اۆتوكولىك، ەكىنشى جانە ءۇشىنشى ورىنعا اقشالاي سىيلىق بەرىلەدى»، - دەدى ءبىلىم باسقارماسىنىڭ وكىلى.

سپيكەر، الداعى اپتادا مۇعالىمدەر اراسىندا وتەتىن «الماتى اكىمىنىڭ گرانتى» بايقاۋىنىڭ قورىتىندىسى شىعاتىنىن جەتكىزدى. وندا ۇزدىك شىققان 10 مۇعالىم 2 ميلليون تەڭگە كولەمىندە اقشالاي سىيلىق الادى. بۇل شارالاردىڭ بارلىعى مۇعالىمدەردى قولداۋعا باعىتتالعان.

«بيىل قالا مەكتەپتەرىنە 500 گە جۋىق جاس مامان كەلدى. ولاردى قولداۋ اياسىندا ەڭبەكاقىلارىنا 20 ا ە ك كولەمىندە قارجى قوسىلادى. وعان قوسا مۇعالىمدەردىڭ بىلىكتىلىگىن ارتتىرۋ ماقساتىندا كۋرستار وكىزىلىپ تۇرادى. سوندىقتان بۇل كۋرستار ق ر ءبىلىم جانە عىلىم مينيسترلىگى جانە ورلەۋ ورتالىقتارىمەن ىسكە اسىرىلادى»، - دەدى سپيكەر.