الماتىدا تاۋعا شىعاتىن تۋريستەرگە ەسكەرتۋ جاسالدى

سينوپتيكتەردىڭ بولجامىنشا، 8-10- قازاندا الماتى تاۋلارىندا تۇندە جانە تاڭەرتەڭ تۇمان تۇسەدى.

سوعان بايلانىستى الماتىلىق قۇتقارۋشىلار تاۋعا باراتىن تۋريستەرگە قاۋىپسىزدىك ەرەجەلەرىن قاتاڭ ساقتاۋعا كەڭەس بەردى.

«ەڭ الدىمەن ىڭعايلى كيىم مەن اياق كيىمدى تاڭداڭىز. وزىڭىزبەن بىرگە الىپ جۇرۋگە كەرەك زاتتاردىڭ ىشىندە مىندەتتى تۇردە: جىلى زاتتار، ۇيالى تەلەفونعا قوسىمشا قۋات كوزدەرى، شام جانە وت جاعۋعا ارنالعان قۇرالدار بولۋى كەرەك. سونداي-اق GPS ناۆيگاتورىن وزىڭىزبەن بىرگە العان ءجون»، - دەلىنگەن حابارلامادا.

سونداي-اق كەلەسى كەڭەستەرگە قۇلاق اسۋعا شاقىردى:

- تاۋعا شىقپاس بۇرىن ىقتيمال قاۋىپتەردى مۇقيات باعالاۋ كەرەك، اۋا رايى جاعدايلارى مەن كەدەرگى كەلتىرەتىن جاعدايلاردى ەسكەرۋ كەرەك؛

- تۇمانعا نەمەسە تاۋلىكتىڭ قاراڭعى ۋاقىتىنا تاۋعا شىقپاۋ كەرەك؛

- قاۋىپتى جارتاستى ۋچاسكەلەردى تەك اسا قاجەت بولعان جاعدايدا، قاۋىپسىزدىك جانە ساقتاندىرۋ ەرەجەلەرىن قاتاڭ ساقتاي وتىرىپ، ەڭسەرۋ كەرەك؛

- بوس جاتقان تاستارمەن بەتكەيلەر مەن ويىقتاردان وتپەڭىز.

- جالعىز توپتان قالىپ قالماي، تەك توپپەن بىرگە قوزعالۋىڭىز كەرەك؛

- قاتتى جاڭبىر نەمەسە بۇرشاق جاۋعان كەزدە جابىق جەرگە بارىپ، جاۋىننىڭ توقتاۋىن كۇتىڭىز.