ەلوردادا الەمدىك جانە ءداستۇرلى دىندەر كوشباسشىلارى سەزىنىڭ وتىرىسى ءوتىپ جاتىر
«ءبىز بۇگىن حاتشىلىق وتىرىسىندا الەمدىك جانە ءداستۇرلى دىندەر ليدەرلەرىنىڭ 7-سەزىن ۇيىمداستىرۋعا قاتىستى ماسەلەلەردى پىسىقتايمىز. بۇگىنگى تاڭدا بۇل فورۋم قازىرگى زامانداعى وزەكتى ماسەلەردى تالقىلايتىن اسا ماڭىزدى حالىقارالىق الاڭعا اينالدى. سەزد بەيبىتشىلىكتى نىعايتۋدىڭ جانە مادەنيەتتەر اراسىنداعى ىنتىماقتاستىقتى دامىتۋدىڭ وزىق ۇلگىسىن كورسەتىپ كەلەدى. سونداي- اق ءدىنارالىق تولەرانتتىلىقتى ارتتىرۋعا ۇلكەن سەپتىگىن تيگىزۋدە. سەزد العاش رەت 2003 -جىلى قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ باستاماسىمەن شاقىرىلعانى بەلگىلى. فورۋم جۇمىسىنىڭ تابىستى بولۋىنا ق ر پرەزيدەنتى قاسىم-جومارت توقايەۆ باسا ءمان بەرىپ كەلەدى»، - دەدى حاتشىلىق وتىرىسىن اشقان سەنات ءتوراعاسى ماۋلەن اشىمبايەۆ.
وسى رەتتە ول العاشقى كەزدەسۋدەن باستاپ بۇل الاڭ بارلىق نەگىزگى كونفەسسيا وكىلدەرىنىڭ باسىن بىرىكتىرىپ كەلە جاتقانىن باسا ايتتى.
«ءبىزدىڭ فورۋمدى جەتەكشى رۋحاني ليدەرلەر مەن جوعارى دەڭگەيدەگى ىقپالدى ساياساتكەرلەر ۇنەمى قولداپ كەلەدى»، - دەپ اتاپ ءوتتى سەنات سپيكەرى.
اۆتور: مارلان جيەمباي