USD 436.29 EUR 492.83
RUB 5.92 CNY 68.48
جاڭالىقتار

قازاقستان مەن بەلارۋس بىرلەسىپ ەكىنشى دۇنيەجۇزىلىك سوعىس تۋرالى فيلم ءتۇسىردى

1 قازان 22:26
:ءبولىسۋ
قازاقستان مەن بەلارۋس بىرلەسىپ ەكىنشى دۇنيەجۇزىلىك سوعىس تۋرالى فيلم ءتۇسىردى

نۇر-سۇلتان. قازاقپارات - «قازاق فيلم» مەن «بەلارۋس فيلم» بىرلەسىپ «لەتو 1941 گودا» اتتى تاريحي فيلم ءتۇسىردى.

بۇل تۋرالى قازاقستانداعى بەلارۋس رەسپۋبليكاسىنىڭ توتەنشە جانە وكىلەتتى ەلشىسى پاۆەل ۋتيۋپين ءمالىم ەتتى، دەپ حابارلايدى قازاقپارات ءتىلشىسى.

«ەكىنشى دۇنيەجۇزىلىك سوعىس - بەلارۋس پەن قازاقستانعا ورتاق قاسىرەت. تيىسىنشە جەڭىس تە - بۇكىل ك س ر و ەلدەرىنە ورتاق. وكىنىشكە قاراي، ۇلى وتان سوعىسىنا اتتانعان ءاربىر ءۇشىنشى بەلارۋس ورالمادى. سوعىس كەزىندە بەلارۋس اۋماعىن ازات ەتۋ جولىندا كۇرەسكەن 80 نەن استام قازاقستاندىق ءتۇرلى دارەجەدەگى ماراپاتقا يە بولدى. ۇلى وتان سوعىسى تاقىرىبى ورتاق بولعاندىقتان بەلارۋس پەن قازاقستان بىرلەسكەن جوبالاردى قولعا الىپ جاتىر. سونىڭ ءبىرى - بيىل جازدا «قازاق فيلم» مەن «بەلارۋس فيلم» بىرلەسىپ «لەتو 1941 گودا» اتتى فيلم ءتۇسىردى. جۋىردا تۇساۋكەسەرى وتەدى دەپ جوسپارلانىپ وتىر»، - دەدى پاۆەل ۋتيۋپين ەلوردادا باستالعان بەلارۋس ەلىنىڭ مادەنيەت كۇندەرى سالتاناتتى شاراسى بارىسىندا.

ەلشىنىڭ مالىمەتىنشە، اتالعان فيلم قازاقستاندىق پارتيزان ءادي ءشارىپوۆ تۋرالى بولماق.

بۇعان دەيىن حابارلاعانىمىزداي، قازاقستاندا بەلارۋس رەسپۋبليكاسىنىڭ مادەنيەت كۇندەرى باستالدى. مادەنيەت كۇندەرى اياسىندا ەلوردا جۇرتشىلىعى بەلارۋس فيلمدەرىن تەگىن تاماشالاي الادى. ودان بولەك، استانالىقتار نازارىنا كورمە مەن مەرەكەلىك كونسەرت ۇسىنىلادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات