+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

نۇرلان نىعماتۋلين «تۇركىستان» تەلەارناسىن تۇركى مەملەكەتتەرىنە ورتاق ارنا ەتۋدى ۇسىندى

28 قىركۇيەك 13:36
:ءبولىسۋ
نۇرلان نىعماتۋلين «تۇركىستان» تەلەارناسىن تۇركى مەملەكەتتەرىنە ورتاق ارنا ەتۋدى ۇسىندى

نۇر-سۇلتان. قازاقپارات - ءماجىلىس ءتوراعاسى نۇرلان نىعماتۋلين تۇركىستان قالاسىندا ءوتىپ جاتقان تۇركىتىلدەس ەلدەر پارلامەنتتىك اسسامبلەياسىنىڭ X پلەنارلىق وتىرىسىندا قازاقستاننىڭ تۇرك پ ا- عا ءتوراعالىعىنىڭ نەگىزگى باعىتتارىنا نازار اۋداردى، دەپ حابارلايدى ءماجىلىستىڭ باسپا ءسوز قىزمەتى.

سەسسيا جۇمىسىنا تۇرك پ ا- عا مۇشە ەلدەردىڭ ازەربايجان، قازاقستان، قىرعىزستان جانە تۇركيانىڭ، سونداي-اق قوناق رەتىندە وزبەكستاننىڭ جانە باقىلاۋشىسى مارتەبەسىمەن ماجارستاننىڭ پارلامەنتتىك دەلەگاتسيالارى، تۇركى ىنتىماقتاستىعى ۇيىمدارىنىڭ، باقىلاۋشى ۇيىمداردىڭ جانە باسقا دا مەكەمەلەردىڭ باسشىلارى مەن وكىلدەرى قاتىستى.

نۇرلان نىعماتۋلين، اسسامبلەيا قىزمەتىنىڭ الداعى نەگىزگى باعىتتارى ەڭ الدىمەن، تۇركى الەمىنىڭ ۇزاق مەرزىمدى ماقساتتارىن ىسكە اسىرۋعا سەرپىن بەرەتىن «تۇركى كەلەشەگى - 2040» ستراتەگيالىق قۇجاتىن ازىرلەۋ ەكەنىن ايتتى.

- ءبىز كەڭەستە تۇرك پ ا- نىڭ مودەلدىك زاڭدار تۋرالى ەرەجەسىن قابىلدادىق. سونىمەن بىرگە تۇرك پ ا زاڭ جوبالاۋ قىزمەتىنىڭ 2022-2027 -جىلدارعا ارنالعان باعدارلاماسىن ازىرلەيتىن بولامىز. جاڭا سيفرلىق تەحنولوگيالاردىڭ دامۋى اقپاراتتىق قاۋىپسىزدىكتى قامتاماسىز ەتۋگە كوڭىل ءبولۋدى قاجەت ەتەدى. سوندىقتان، ءبىز «كيبەرقاۋىپسىزدىك تۋرالى» مودەلدىك زاڭ قابىلداۋدى ۇسىنامىز، - دەدى پالاتا سپيكەرى. نۇرلان نىعماتۋليننىڭ ايتۋىنشا، تاعى ءبىر نەگىزگى باعىت - ول حالىقارالىق قاتىناس. سونىمەن قاتار، وتىرىس بارىسىندا قاۋىپسىزدىك جاعدايىنا ەرەكشە نازار اۋدارىلدى. بۇل باعىتتا، اسىرەسە، اۋعانستانداعى قازىرگى جاعداي الاڭداتىپ وتىر. قازىرگى ۋاقىتتا بىرىككەن ۇلتتار ۇيىمىنىڭ اۋعانستانعا كومەك كورسەتۋ ميسسياسىنىڭ قىزمەتكەرلەرى ۋاقىتشا الماتىعا كوشىرىلدى. وسىعان وراي، ءماجىلىس ءتوراعاسى بۇگىنگى كۇنى اتالعان ەلدىڭ گۋمانيتارلىق داعدارىس الدىندا تۇرعانىنا باسا ايتىپ: - ءبىز بىرىككەن ۇلتتار ۇيىمى اياسىندا الماتىدا حالىقارالىق گۋمانيتارلىق - لوگيستيكالىق حاب قۇرۋدى ۇسىنامىز. تاعى ءبىر ماسەلە تۇرك پ ا- عا قاتىسۋشى مەملەكەتتەر اياسىن كەڭەيتۋ، - دەدى.

سونداي-اق، ءماجىلىس ءتوراعاسى مەرەيتويلىق وتىرىسقا وزبەكستان پارلامەنتىنىڭ وكىلدەرى دە قاتىسىپ وتىرعانىنا قۋانىشتى ەكەنىن جەتىكىزىپ، قازىرگى ۋاقىتتا تۇركمەن ارىپتەستەرمەن دە پارلامەنتارالىق بايلانىستىڭ نىعايىپ كەلە جاتقانىن اتاپ ءوتتى. نۇرلان نىعماتۋلين تۇركى الەمىنىڭ بىرلىگى ءبىزدىڭ ەلدەرىمىز اراسىنداعى مادەني- گۋمانيتارلىق ىنتىماقتاستىقتى نىعايتۋمەن تىكەلەي بايلانىستى ەكەنىنە نازار اۋدارىپ، ءتوراعالىق بارىسىندا مادەنيەت، عىلىم جانە ءبىلىم سالاسىنداعى قاتىناستاردى ودان ءارى نىعايتۋعا ەرەكشە كوڭىل بولەتىنىنە توقتالدى. ءماجىلىس ءتوراعاسى وتىرىس بارىسىندا قازاقستاننىڭ تۇڭعىش پرەزيدەنتى، ەلباسى نۇرسۇلتان نازاربايەۆتىڭ باستاماسىمەن بيىل «تۇركىستان» تەلەارناسى اشىلعانىن، از عانا ۋاقىتتىڭ ىشىندە بۇل تەلەارنا زامانعا ساي ۇزدىك تەحنيكالارمەن قامتاماسىز ەتىلىپ، جوعارى كاسىبي ماماندارمەن تولىققانىن ايتتى.

- تۇركىستان بۇكىل تۇركى الەمىنىڭ «رۋحاني استاناسى» بولعاندىقتان، اتالعان تەلەكانالدى جالپى تۇركى مەملەكەتتەرىنە ورتاق ارنا جاساۋدى ۇسىنامىن، - دەدى نۇرلان نىعماتۋلين.

ءماجىلىس ءتوراعاسىنىڭ پىكىرىنشە، ول ەلدەرىمىزدىڭ الەۋمەتتىك- ەكونوميكالىق، ساياسي دامۋ جولىن جانە پارلامەنتتەر قىزمەتىن جان- جاقتى ناسيحاتتاپ، بۇكىل تۇركى ەلدەرىنە قاجەتتى اقپاراتتىق ورتا قالىپتاستىرۋعا ۇلەس قوساتىن بولادى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات