+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

الماتىدا كولىك ۇرلاپ، جول اپاتىنا ۇشىراعان جىگىت ۇستالدى

28 قىركۇيەك 11:36
:ءبولىسۋ
الماتىدا كولىك ۇرلاپ، جول اپاتىنا ۇشىراعان جىگىت ۇستالدى

الماتى. قازاقپارات - الماتىدا كولىك ۇرلاپ، جول اپاتىن جاساعان جىگىت ۇستالدى، دەپ حابارلايدى قازاقپارات ءتىلشىسى.

ونىڭ ۆيدەوسى الەۋمەتتىك جەلىدە پايدا بولدى. الماتى قالالىق پوليتسيا دەپارتامەنتىنىڭ مالىمەتىنشە، وقيعا تاڭعى ساعات بەستە بولعان.

«پاترۋلدەۋ كەزىندە پوليتسەيلەر كۇدىك تۋدىرعان كولىكتى توقتاتتى. الايدا، جۇرگىزۋشى ونى ەلەمەي قاشا جونەلدى. پوليتسەيلەر ىزىنە ءتۇستى. ول جوعارى جىلدامدىقپەن كەلە جاتىپ رۋلدى باسقارا الماي، شىعىس اينالما اۆتوجولىندا كەلە جاتقان كولىكتەرمەن سوقتىعىستى. العان سوققىدان كولىكتىڭ قاۋىپسىزدىك جاستىعى ىسكە قوسىلدى، جۇرگىزۋشى ەسىنەن تانىپ قالدى، ال ونىڭ اياعى گاز پەدالىندا قالدى. پوليتسەيلەر كولىكتىڭ ەسىگىن اشىپ، كولىك ۇرلاعان جاس جىگىتتىڭ ءومىرىن ساقتاپ قالۋعا تىرىستى. بىرنەشە اركەتتەن كەيىن عانا اينەكتى سىندىرىپ، وتالىپ تۇرعان كولىكتى ءوشىردى»، - دەپ حابارلادى پوليتسيادان.

العاشقى مەديتسينالىق كومەك كورسەتىلگەننەن كەيىن كۇدىكتى بوستاندىق اۋداندىق پوليتسيا باسقارماسىنا جەتكىزىلدى. كۇدىكتىگە قاتىستى ق ر قىلمىستىق كودەكسىنىڭ 200-بابى 1-بولىگى بويىنشا قىلمىستىق ءىس قوزعالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات