10:45, 28 - قىركۇيەك 2021 | GMT +6
تۇركيادا كوروناۆيرۋس قايتادان ءورشىدى
نۇر-سۇلتان.قازاقپارات -ىندەتكە شالدىققاندار سانى 30 مىڭعا جاقىندادى. بۇعان كۇن سۋۋى مەن وقۋ ورىندارىنىڭ ءداستۇرلى ءبىلىم بەرۋگە كوشۋى سەبەپ.
6-قىركۇيەكتەن باستاپ ەلدە 1630 كلاسس كارانتينگە كەتتى. 40 مىڭ وقۋشى وقشاۋلاندى. قوسىمشا ساقتىق شارالارى بولۋ- بولماۋى بەلگىسىز. دەگەنمەن، جەرگىلىكتى باسىلىمدار، الداعى مينيسترلەر كابينەتى وتىرىسىندا كارانتين ەرەجەلەرى ەنۋى مۇمكىن دەپ وتىر.
تۇركيادا قازىرگە دەيىن ۆاكسينانىڭ ەكى دوزاسىن %70 تەن استام تۇرعىن قابىلدادى. سوڭعى تاۋلىكتە كوۆيد-19 شالدىققاندار سانى 25 مىڭنان استى. قاۋىپتى ىندەتتەن 228 ناۋقاس كوز جۇمدى. تۇركيادا مەكتەپ، ۋنيۆەرسيتەت، كينوتەاتر، كونسەرت پەن ءبىرقاتار مەكەمەلەردە ەكپە كۋالىگى مەن پ ت ر تەستىن كورسەتۋ مىندەتتى.
www.24.kz