نازاربايەۆ مەكتەبىن بىتىرگەن ءاربىر ءتورتىنشى تۇلەك نازاربايەۆ ۋنيۆەرسيتەتىنە تۇسكەن

None
None
نۇر- سۇلتان. قازاقپارات - كەزدەسۋدە ەلباسىعا ەلىمىزدەگى زياتكەرلىك مەكتەپتەردىڭ قازىرگى جاعدايى مەن الداعى دامۋ جوسپارى تۋرالى باياندالدى، دەپ حابارلايدى Elbasy.kz.

قازاقستاننىڭ تۇڭعىش پرەزيدەنتى 2008 -جىلدان بەرى رەسپۋبليكا بويىنشا جيىرمادان استام جاراتىلىستانۋ- ماتەماتيكا باعىتىنداعى نازاربايەۆ زياتكەرلىك مەكتەبى اشىلىپ، الەۋمەتتىك تۇرعىدان از قامتىلعان بالالار ءۇشىن ۇلكەن دەمەۋ بولعانىن اتاپ ءوتتى. وسىعان دەيىن بۇل مەكتەپتەردى 14,5 مىڭنان استام بالا ءبىتىرىپ، ونىڭ ءاربىر ءتورتىنشىسى نازاربايەۆ ۋنيۆەرسيتەتىنە قابىلداندى.

2021 -جىلدىڭ وزىندە نازاربايەۆ زياتكەرلىك مەكتەپتەرى تۇلەكتەرىنىڭ 29 پايىزى نازاربايەۆ ۋنيۆەرسيتەتىنە، ال 78 بالا الەمنىڭ ەڭ وزىق ۋنيۆەرسيتەتتەرىنە ءتۇستى. ك. ءشامشيدينوۆا PISA-2018 حالىقارالىق زەرتتەۋىنىڭ ناتيجەسى بويىنشا نازاربايەۆ زياتكەرلىك مەكتەپتەرى دۇنيە جۇزىندە ماتەماتيكادان - ءۇشىنشى ورىندا، جاراتىلىستانۋدان - بەسىنشى ورىندا تۇرعانىن، وقۋ ساۋاتى بويىنشا - توعىزىنشى ورىندا ەكەنىن ايتتى.

سونداي- اق ەلباسىعا زياتكەرلىك مەكتەپ وقۋشىلارىنىڭ حالىقارالىق وليمپيادالاردا قول جەتكىزگەن جەتىستىكتەرى تۋرالى اقپارات بەرىلدى. سونىمەن قاتار قازاقستاننىڭ تۇڭعىش پرەزيدەنتىنە تۇركىستانداعى نازاربايەۆ زياتكەرلىك مەكتەبى قۇرىلىسىنىڭ اياقتالۋ بارىسى، وقىتۋدىڭ جاڭا ادىستەمەلەرىن ەنگىزۋ جانە ەلىمىزدەگى باسقا دا وقۋ ورىندارىنا نازاربايەۆ زياتكەرلىك مەكتەبى تاجىريبەسىن تاراتۋ بويىنشا قابىلدانىپ جاتقان شارالار تۋرالى باياندالدى.

سوڭعى جاڭالىقتار