+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

اقمولا وبلىسىندا تولاسسىز قار جاۋىپ تۇر

27 قىركۇيەك 18:29
:ءبولىسۋ
اقمولا وبلىسىندا تولاسسىز قار جاۋىپ تۇر

كوكشەتاۋ. قازاقپارات - اقمولا وبلىسىنىڭ ءبىرقاتار اۋداندارىنداعى تۇرعىندار قاردىڭ جاۋعانىن حابارلاپ، الەۋمەتتىك جەلىلەر ارقىلى فوتولارمەن ءبولىسىپ جاتىر، دەپ حابارلايدى قازاقپارات ءتىلشىسى.

«ماكينسكى قالاسىندا العاشقى قار ءتۇستى. بۇگىن تۇسكە قاراي باستالعان قار ءالى تولاسسىز جاۋىپ تۇر. وسىنىڭ سالدارىنان قالانى قار باسىپ، تۇرعىنداردىڭ ءجۇرىپ-تۇرۋى مەن كولىك قاتىناسى قيىندادى»، - دەيدى قالا تۇرعىنى بەرلان ىرىس.

العاشقى قار زەرەندى جانە بۋراباي اۋداندارى اۋماعىندا دا ءتۇستى. قار ەرىپ، شالشىق بولعان سوڭ جولدار مەن كوشەلەردە كولىك كەپتەلىستەرى پايدا بولىپ وتىر. مۇندا دا تۇرعىندار الەۋمەتتىك جەلىدە العاشقى قاردىڭ سۋرەتتەرىمەن ءبولىسىپ جاتىر. ءتىپتى، كەيبىر وڭىرلەردە قارلى بۇرقاسىن بولىپ تۇر. قازگيدرومەتتىڭ بولجامى بويىنشا، ءوڭىردىڭ باسىم بولىگىندە جاۋىن-شاشىن بولادى.


«بۇگىن ماكينسكىدە قار ارالاس جاڭبىر باستالدى. ءبىراق قار كوپ جاتپاي ەرىپ كەتەدى. تۇنگى ۋاقىتتا كوكتايعاق بولۋى مۇمكىن»، - دەدى اقمولا وبلىسى بويىنشا «قازگيدرومەت» ر م ك مەتەوجاعداي ءبولىمىنىڭ باستىعى دانيەل جۇماجانوۆ.

سينوپتيكتەر 29-30- قىركۇيەكتە تۇندە جاۋىن-شاشىن، كۇندىز وبلىستىڭ سولتۇستىگىندە، وڭتۇستىك-شىعىسىندا جاۋىن-شاشىن (جاڭبىر، قار)، كوكتايعاق بولاتىن ەسكەرتۋدە.

وبلىستىڭ سولتۇستىك-باتىسىندا تۇمان تۇسەدى. سولتۇستىك-شىعىستان 9-14 م/س جىلدامدىقپەن جەل سوعادى، وبلىستىڭ سولتۇستىك-باتىسىندا 15-20 م/س جەتەدى.

اۋا تەمپەراتۋراسى تۇندە 0-5 گرادۋس جىلى، وبلىستىڭ باتىسىندا 3 گرادۋس سالقىن، كۇندىز 2-7 گرادۋس جىلى بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات