قازاقستاندا نەلىكتەن توي جاساۋعا رۇقسات بەرىلدى؟

ءبىراق ونىڭ وزىندىك تالاپتارى بار. وسى ورايدا ق ر پرەمەر-ءمينيستردىڭ ورىنباسارى ەرالى توعجانوۆ تويعا رۇقسات بەرۋدىڭ سەبەبىن ءتۇسىندىرىپ بەردى، دەپ حابارلايدى قازاقپارات ءتىلشىسى.

«ەلىمىزدە ءبىرقاتار ءىس-شارالاردى وتكىزۋگە رۇقسات بەردىك، ءبىراق قاتاڭ شارتتارى بار. بىرىنشىدەن، شاراعا قاتىسۋشىلاردىڭ Ashyq تا «جاسىل» مارتەبەسى بولۋى كەرەك. ءبىز ەپيدەميولوگيالىق جاعدايدى ەسكەرە وتىرىپ، بىرتىندەپ قالىپتى ومىرگە ورالۋىمىز كەرەك. سالتاناتتى شارالاردى وتكىزۋگە رۇقسات بەرۋ - بۇل تەك توي-تومالاق وتكىزۋگە عانا قاتىستى ەمەس. ءبىرىنشى كەزەكتە ماسەلە شاعىن جانە ورتا بيزنەستى قولداۋ توڭىرەگىندە بولىپ وتىر. بۇل - كۇن تارتىبىندەگى ەڭ ماڭىزدى ماسەلەنىڭ ءبىرى. تاعى ءبىر جايت، ەلىمىزدە سالتاناتتى ءىس-شارالاردى وتكىزۋ قاتاڭ باقىلاۋدا بولاتىنىن ەسكە سالعىم كەلەدى. قازاقستاندا ك ۆ ي- ءدىڭ تارالۋىن باقىلاۋ مەن توقتاتۋ شارالارى كۇن تارتىبىنەن تۇسپەيدى»، - دەدى ەرالى توعجانوۆ ۇكىمەت ۇيىندە وتكەن باسپا ءسوز ءماسليحاتىندا.

ەسكە سالا كەتسەك، بيىلعى 27- قىركۇيەكتەن باستاپ Ashyq بويىنشا «قاۋىپسىز» مارتەبەسى بار قىزمەتكەرلەر مەن كەلۋشىلەردىڭ قاتىسۋىمەن ءبىرقاتار ءىس-شارا وتكىزۋگە رۇقسات ەتىلدى.