بەيسەن قۇرانبەك اتىنداعى «جىگەر» بايقاۋىنىڭ جەڭىمپازدارى انىقتالدى

«ءوز باسىم بەيسەن باۋىرىزدىڭ وسى ومىردە قالدىرعان ەڭبەگى ەلەنىپ قويماي، وسىنداي باۋقاۋ ارقىلى جاڭعىرىپ جاتقانىنا قۋانىشتىمىن. بايقاۋعا قاتىسۋشىلاردىڭ دەنى جاستار بولدى. راسى كەرەك جەڭىمپازداردى انىقتاۋ قيىنعا سوقتى. بارلىعى 100 ءوتىنىش كەلىپ ءتۇستى. بەيسەننىڭ باعدارلاما جۇرگىزگەندە وزىندىك پرينتسيپتەرى بولدى. ونىڭ سويلەۋ ماقامى، ءوزىن ۇستاۋى، جۋرناليستىك ەتيكاسى تۇتاس ءبىر دۇنيە. بەيسەن نەگىزىنەن الەۋمەتتىك باعدارلامالاردى جۇرگىزگەننەن ول حالىققا جاقىن بولدى، قايىرىمدىلىقپەن اينالىستى. بايقاۋ بارىسىندا ايماقتاعى تىلشىلەرگە ءمان بەرىپ، قولداۋ كورسەتۋگە تىرىستىق»، - دەدى ەلىمىزگە تانىمال تەلەجۋرناليست ارمان سقابىل ۇلى.

بەيسەن قۇرانبەك اتىنداعى «جىگەر» بايقاۋىنىڭ جەڭىمپازدارى: I ورىن Jetisy تەلەارناسىنىڭ رەداكتورى ءسانيا بايتاروۆا. Ⅱ ورىن Aqtobe تەلەارناسىنىڭ رەداكتورى ەرلان مۇقانوۆ. Ⅲ ورىن «Qazsport» تەلەارناسىنىڭ رەداكتورى ينديرا بەكتەنوۆا.

«بەيسەن اعامىزدىڭ بەينەسى ەسىمىزدە ماڭگى قالارى ءسوزسىز. تالدىقورعانداعى اعامىزدىڭ كابينەتىندە ۇلكەن پورترەتى تۇر، ءبىز سوعان قاراپ اعامىز ءالى ورتامىزدا جۇرگەندەي سەزىنەمىز. كەيدە قاراپ، كوزىمىزگە جاس الامىز، ءبىر قاراعاندا اعام ماعان جول كورسەتىپ تۇرعانداي كورىنەدى. بەيسەن اعامىز باسقارعان جەتىسۋ تەلەارناسىنىڭ ۇجىمى وتە ۇيىمشىل بولدى. جەڭىمپاز اتانۋ مەن ءۇشىن ۇلكەن قۇرمەت. ۇيىمداستىرۋشىلارعا العىسىمدى بىلدىرەمىن. جەڭىس جالعىز مەنىكى ەمەس ورتاق دەپ ەسەپتەيمىن» ، - دەدى بايقاۋ جەڭىمپازى ءسانيا بايتاروۆا.

اتالعان بايقاۋ جەڭىمپازدارى ءداستۇرلى «Astana Media Week - 2021» مەديا اپتالىعىنىڭ اشىلۋى سالتاناتىندا ماراپاتتالدى.

ايتا كەتەيىك، بۇگىن باستالعان AMW-2021 بارىسىندا حالىقارالىق مەدياقاۋىمداستىق مۇشەلەرى اقپاراتتىق كۇن ءتارتىبىنىڭ وزەكتى ماسەلەلەرىن كوتەرەدى. ءىس- شاراعا الەمدىك ب ا ق- تىڭ توپ- مەنەدجەرلەرى، مەملەكەتتىك اپپارات وكىلدەرى، تانىمال جۋرناليستەر، دوكۋمەنتاليستەر جانە ا ق ش، ۇلىبريتانيا، رەسەي، قازاقستان، وزبەكستان، قىرعىزستان بلوگەرلەرى قاتىسىپ جاتىر.