بەينەتاسپاعا ءتۇسىرىپ، جاۋاپ الدى: كاسىپكەرلەر سالىق ورگاندارىنىڭ ىلكى جوباسىنا نارازى

None
None
نۇر-سۇلتان. قازاقپارات - نۇر-سۇلتان قالاسىنىڭ كاسىپكەرلەرى ەلوردانىڭ سالىق ورگاندارىنىڭ جاڭا پيلوتتىق جوباسىنا شاعىمدانۋدا، دەپ حابارلايدى قازاقپارات.

اتالعان ماسەلە بويىنشا نۇر-سۇلتان قالاسىنىڭ كاسىپكەرلەر پالاتاسىنىڭ كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەسى وتىرىس وتكىزدى.

شوب كاسىپكەرلەرى شوتتار مەن ەلەكتروندى شوت-فاكتۋرالاردىڭ اقپاراتتىق جۇيەلەرىن نەگىزسىز بۇعاتتاۋعا جانە ارىپتەستەرىنە ولاردىڭ بيزنەسىنىڭ جوعارى تاۋەكەلى تۋرالى حابارلاما جىبەرىلىپ، ىسكەرلىك بەدەلىنە نۇقسان كەلدى دەپ شاعىمدانۋدا.

بۇل جۇمىستى مەملەكەتتىك كىرىستەر دەپارتامەنتى قوسىمشا قۇن سالىعىن اكىمشىلەندىرۋدى جەتىلدىرۋ جونىندەگى پيلوتتىق جوبا اياسىندا جۇرگىزۋدە. اتالعان جوبا كولەڭكەلى ەكونوميكا دەڭگەيىن تومەندەتۋ جانە سالىق تولەۋدەن جالتارۋدى كوزدەيتىن ءبىر كۇندىك فيرمالار تاراپىنان سالىقتىق بۇزۋشىلىقتاردىڭ الدىن الۋ، ادال كاسىپكەرلەردى ولاردان قورعاۋ، «ءبىر كۇندىك فيرمالار» ۇسىناتىن كولەڭكەلى قىزمەتتەر نارىعىن جويۋ ماقساتىندا ازىرلەنگەن.

«بۇيرىقتىڭ ءوزى وتە ءمىنسىز جازىلعان، وندا بارلىق مەرزىمدەر كورسەتىلگەن، كاسىپكەر سالىق ورگانى بەرگەن حابارلامالارعا جاۋاپ بەرە الادى جانە ونى سالىق ورگانىنىڭ بەس كۇندە قاراۋىنا، كاسىپكەرلەردەن جاۋاپ الۋمەن عانا شەكتەلۋگە مۇمكىندىگى بار. ءبىراق ءىس جۇزىندە كاسىپكەرلەردىڭ سالىق ورگاندارىنا جىبەرگەن حابارلامالارىنىڭ كوپشىلىگى قابىلدانباي قالاتىنى بەلگىلى بولدى. بەس كۇندە شوتتار بۇعاتتالعان سوڭ، بيزنەستىڭ بارلىق قىزمەتى توقتايدى. كاسىپكەر ءوزىنىڭ بارلىق كەلىسىمدەرىنىڭ جارامدى ەكەنىن دالەلدەسە دە، بۇل بۇعاتتاردى الىپ تاستاۋ ءبىر ايدان التى ايعا دەيىن سوزىلۋى مۇمكىن. سوندىقتان، اۋداندىق دەڭگەيدە كاسىپكەرلەردى بەينەكامەراعا ءتۇسىرىپ، كۋالىگىن وزىمەن بىرگە ۇستاۋدى تالاپ ەتكەن جاعدايلار بولعانىن مەملەكەتتىك كىرىستەر دەپارتامەنتىنىڭ باسشىلىعىنا جەتكىزگىم كەلەدى. سونداي جاعدايعا تاپ بولعان كاسىپكەردىڭ ءبىرى بۇگىنگى وتىرىسقا شاقىرىلدى، كاسىپكەردىڭ ايتۋىنشا بۇل - ناعىز قورلاۋ. مىنە، وسىنداي جايتتارعا پيلوتتىق جوبادا مەملەكەتتىك كىرىستەر دەپارتامەنتى تاراپىنان جول بەرىلمەۋى كەرەك. ەگەر پيلوتتىق جوبا وسىلاي جالعاسا بەرسە، ونى ءساتسىز دەپ ساناۋعا بارلىق نەگىز بار»، - دەدى نۇر-سۇلتان قالاسى كاسىپكەرلەر پالاتاسى ديرەكتورىنىڭ ورىنباسارى قۋانىشبەك مۇقاش.

ءوز كەزەگىندە ەلوردالىق مەملەكەتتىك كىرىستەر دەپارتامەنتى باسشىسىنىڭ ورىنباسارى تاۋكەن وشاقبايەۆ ەلوردادا 3 مىڭنان استام كومپانيانىڭ شوتتارى نە ءۇشىن بۇعاتتالعانىن ءتۇسىندىردى.

«پيلوتتىق جوبانىڭ باسىندا نۇر-سۇلتان قالاسى بويىنشا 600 كومپانيا تولىعىمەن بۇعاتتالدى. ياعني، ولار - «قولما-قول اقشا كەڭسەلەرى» دەپ اتالاتىن كومپانيالار. نەلىكتەن مۇنداي پيلوتتىق جوبا قولعا الىندى، ويتكەنى قازىر بىزدە ەلەكتروندى شوت-فاكتۋرانى تولىعىمەن قامتاماسىز ەتەتىن اقپاراتتىق جۇيە بار، سوندىقتان ە ش ف ەنگىزىلگەن كەزدە سىن-تاۋەكەلى كوپ كومپانيالاردى اۆتوماتتى تۇردە ءسۇزىپ شىعۋعا بولادى. بۇل پيلوت تاۋەكەلى كوپ مامىلەلەردى انىقتايدى»، - دەپ ءتۇسىندىردى ت. وشاقبايەۆ نۇر-سۇلتان قالاسى كاسىپكەرلەر پالاتاسىنىڭ كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەسىنىڭ وتىرىسىندا.

سپيكەردىڭ ايتۋىنشا، سوڭعى ۋاقىتتا ەلوردادا 3551 كومپانيا بۇعاتتالعان، ونىڭ %29 وزدەرىنىڭ سالىق مىندەتتەمەلەرىن قايتا قارادى جانە تيىسىنشە ەسەپشوتتارىن قايتا اشقان.

سوڭعى جاڭالىقتار