قاي ايلاردا قازاقستاننان شەتەلگە اۆيابيلەت قۇنى ەڭ ارزان بولادى؟

سەبەبى، قىرى سۋىقتا كۇيبەڭ تىرلىكتەن قاشىپ، مەن مۇندالاعان مالديۆ جاعاجايىنا بارۋدى اڭسامايتىن ادام جوق شىعار.

تەحنولوگيا دامىعان موبيلدى زاماندا ءجيى ساپارلاتۋدى ادەتكە اينالدىرعىسى كەلەتىن وقىرماندارىمىز ءۇشىن پايدالى اقپاراتپەن ءبولىسۋدى ءجون كوردىك. وسى ورايدا Air Astana اۆياكومپانياسىنىڭ وكىلى، كورپوراتيۆتىك كوممۋنيكاتسيالار جونىندەگى مەنەدجەرى تىلەك ءابدىراقىموۆ ۇنەمدەۋ ارقىلى، جيى ساياحاتتاۋ مۇمكىندىگىنە قول جەتكىزۋ جولىندا پايداعا اساتىن كەڭەستەرىمەن بولىسكەن بولاتىن.

بۇگىن ناقتى ءوز ەلىمىزدەن شەتەلگە اتتاناردا ەسكەرەر ءبىراز ماڭىزدى سۇراقتىڭ جاۋابىن الاسىز.

- قازاقستاننان ۇشاتىندار ءۇشىن بيلەت قۇنى ەڭ ارزان بولاتىن ايلاردى اتاساڭىز؟

قازاقستاننان ۇشاق قابىلدايتىن كوپتەگەن قالالارعا بيلەت قۇنى اقپان، ءساۋىر ايىنىڭ ورتاسىنان مامىردىڭ ورتاسىنا دەيىن، قاراشا ايلارىندا ارزان بولادى.

- قازاقستاندىقتار قاي ايلاردا قانداي ەلدەرگە ءجيى اتتانادى جانە ساياحاتتىڭ باسەڭدەيتىن شاقتارى قاي كەز؟

- ساياحاتتىڭ كوبەيەتىن كەزى، ارينە، جاز ايلارى (دەمالىس ماۋسىمى) گرۋزيا، چەرنوگوريا، تۇركيا جانە دەمالىستى جايلى وتكىزۋگە بولاتىن باسقا دا كۋرورتتىق ەلدەر باسىم بولادى. ءبىراق ب ا ءا مەن مىسىر جاز ايلارىندا تىم ىستىق بولۋىنا بايلانىستى بۇل تىزىمگە كىرمەيدى.

مىسىرعا بارۋعا اسا تارتىمدى ايلارعا ءساۋىر، مامىر، قازان مەن قاراشا جاتادى. مالديۆكە بارۋدىڭ ەڭ جاقسى كەزى قاراشادان ساۋىرگە دەيىنگى ارالىق بولىپ سانالادى.

دەسە دە مالديۆتىڭ جاعاجاي ماۋسىمى جاز مەزگىلىندە دە ۇلكەن سۇرانىسقا يە. ب ا ءا- نە بارۋعا جىلدىڭ قاي مەزگىلى دە قولايلى. روجدەستۆو، جاڭا جىل، ناۋرىز سىندى ۇزاق دەمالىس بەرىلەتىن كەزدەر مەن وقۋشىلاردىڭ جازعى دەمالىس ماۋسىمىندا بارلىق ەلدەرگە سۇرانىس ارتادى.

گرۋزيا، چەرنوگوريا، تۇركياعا ۇشاتىنداردىڭ سانى قىس ايلارىندا كۇرت تومەندەيدى.

massaget.kz