20:29, 24 - قىركۇيەك 2021 | GMT +6
جاڭا قاۋلى: كەلەسى اپتادان باستاپ تۇركىستان وبلىسىندا كارانتين شەكتەۋلەرى جەڭىلدەيدى
نۇر-سۇلتان. قازاقپارات - تۇركىستان وبلىسىنىڭ باس سانيتار دارىگەرى وڭىردە كارانتين شەكتەۋلەرىن كەزەڭ-كەزەڭمەن جەڭىلدەتۋ تۋرالى جاڭا قاۋلى جاريالادى، دەپ حابارلايدى قازاقپارات ءتىلشىسى.
«كەڭەستەر مەن وتىرىستاردى قاشىقتان وتكىزۋ مۇمكىندىگى بولماعان جاعدايدا ساقتىق شارالارىن ساقتاي وتىرىپ، كوزبە-كوز رەجيمدە وتكىزۋگە رۇقسات بەرىلسىن»، - دەپ جازىلعان قۇجاتتا.
سونداي-اق، بارلىق نىسانداردىڭ جۇمىسىنا باس سانيتار قاۋلىسى بويىنشا رۇقسات بەرۋ تاپسىرىلعان.
Ashyq جوباسىنا كاتىساتىن الەۋمەتتىك-ەكونوميكالىق وبەكتىلەردىڭ قىزمەتىنە دەمالىس كۇندەرى رۇقسات ەتىلمەك.
«Ashyq جوباسىنا قاتىساتىن الەۋمەتتىك- ەكونوميكالىق وبەكتىلەردىڭ قىزمەتىنە «جاسىل مارتەبەسى» بار كەلۋشىلەرگە دەمالىس كۇندەرى قىزمەت كورسەتۋگە رۇقسات ەتىلسىن»، - دەپ جازىلعان قاۋلىدا.
قۇجات 27- قىركۇيەكتەن باستاپ كۇشىنە ەنەدى.