الماز شارمان كوروناۆيرۋستىڭ جاڭادان تابىلعان شتامى تۋرالى ايتتى

None
None
الماتى. قازاقپارات - پروفيلاكتيكالىق مەديتسينا اكادەمياسىنىڭ پرەزيدەنتى، امەريكا دەنساۋلىق ساقتاۋ قاۋىمداستىعىنىڭ مۇشەسى الماز شارمان الماتىداعى وڭىرلىك كوممۋنيكاتسيالار قىزمەتىنىڭ بريفينگىندە كوروناۆيرۋسقا قارسى ۆاكسيناتسيا مەن قورعانۋ تۋرالى ءوز پىكىرىمەن ءبولىستى، دەپ حابارلايدى قازاقپارات ءتىلشىسى.

ونىڭ ايتۋىنشا، كوروناۆيرۋسقا قارسى ەكپە دەرتتىڭ اۋىر تۇرىنەن قورعانۋدىڭ جوعارى دەڭگەيىن قامتاماسىز ەتەدى جانە قايعىلى جاعدايدىڭ الدىن الادى. ۆاكسينالانۋدان كەيىنگى يممۋندىق قورعانىس ۆيرۋسقا تويتارىس بەرەدى. سوندىقتان ەكپە الۋدىڭ ماڭىزى وتە زور.

«مىسالى، وتكەن جىلدىڭ ماۋسىمىندا اۋىرىپ، ەكپە الماعانداردىڭ ىقتيمالدىعى جوعارى. ءيا، بەلگىلى ءبىر دارەجەدە ۆاكسينالار جاڭا نۇسقالارعا قارسى تيىمدىلىگىن جوعالتادى، ءبىراق سوعان قاراماستان، % 80 جاعدايدا يممۋندىق قورعانىس ساقتالادى»، - دەدى پروفەسسور.

سونىمەن قاتار، ول مۋتاتسيا جيىلىگىن ازايتۋ ءۇشىن سانيتارلىق نورمالاردى ساقتاۋدى جالعاستىرۋعا شاقىردى. عالىم كوروناۆيرۋستىڭ جاڭادان تابىلعان «Eta» شتامى تۋرالى دا ايتتى.

«ونىڭ الەمدە پايدا بولۋى العاش رەت 2020 -جىلدىڭ جەلتوقسانىندا بەلگىلى بولدى، ينفەكتسيا نيگەريا مەن ۇلى بريتانيادا، ال قازىر قازاقستاندا انىقتالدى. ەگەر بۇرىن كوروناۆيرۋس ايىنا ەكى رەت مۋتاتسياعا ۇشىراسا، بۇگىندە جيىلەدى. قازىرگى ۋاقىتتا «Eta» باسقا تولقىن تۋدىرۋى مۇمكىن دەگەن اقپارات جوق. مەديتسينالىق قاۋىمداستىق بۇل وپتسياعا الاڭدامايدى. كوروناۆيرۋستىڭ «دەلتا» نۇسقاسى وتە قاۋىپتى»، - دەدى ا. شارمان.

عالىم كوروناۆيرۋسقا قارسى ۆاكسينالانۋ دەرتتىڭ اۋىر تۇرىنەن جانە ولىمنەن قورعايتىنىن ايتتى.

«قازاقستاندا ۆاكسينالار بولعانىمەن، ەكپەمەن قامتۋ ءالى دە تومەن. ەل تۇرعىندارىنىڭ % 60- دان استامى ۆاكسينانىڭ بىردە- ءبىر دوزاسىن ءالى العان جوق. مىسالى، امەريكا قۇراما شتاتتارىنىڭ كوپ بولىگىندە، دانيا سياقتى ەۋروپا ەلىندە، ەرەسەك حالىقتىڭ % 80- ى ۆاكسينالانعان. ۆاكسينالار ۆيرۋستان قورعانۋدىڭ ەڭ ءتيىمدى جولى. قازىر ءبىزدىڭ ەلدەگى بارلىق ۆاكسينالار جاڭا نۇسقالارعا قارسى تۇرا الادى»، - دەدى ا. شارمان.

اۆتور: دۋمان ارعىنگەلدى

سوڭعى جاڭالىقتار