مەملەكەتتىك باعدارلامامەن سالىنعان ۇيلەرگە سىن نەگە كوپ ايتىلادى

«كوممەرتسيالىق تۇرعىن ءۇي مەن مەملەكەتتىك باعدارلامالار بويىنشا بوي كوتەرگەن تۇرعىن ءۇي ساپاسى ءار ءتۇرلى. مەملەكەتتىك باعدارلامالار بويىنشا سالىنعان باسپانانىڭ ساپاسى نەگە ناشار؟ بيىل مەملەكەتتىك باعدارلامالار بويىنشا تۇرعىن ءۇي قۇرىلىسىن جۇزەگە اسىرۋعا كونكۋرس وتكىزىلدى. ونىڭ قاراجاتى 2020 -جىلى بيۋدجەتكە ەنگىزىلىپ قويعان. ال سمەتا ءتىپتى 2019 -جىلى سمەتا جاسالعان. ءۇش جىل ىشىندە ماتەريالداردىڭ قۇنى دا، جۇمىستىڭ قۇنى دا قىمباتتادى»، - دەدى تالعات ەرعاليەۆ قۇرىلىسشىلار وداعى وتىرىسىنىڭ الالدىندا ب ا ق وكىلدەرىنە بەرگەن سۇحباتىندا.

ونىڭ سوزىنشە، ماتەريالداردىڭ قۇنى جىل سايىن %10-%15 ءوسىپ وتىرادى.

«قۇرىلىس كومپانياسى مەملەكەتتىك باعدارلامالاردى جۇزەگە اسىرۋعا كىرىسكەن كەزدە بيۋدجەتكە ەنگىزىلگەن باعالار باياعىدا وزگەرىپ كەتەدى. سونى بىلسە دە، بايقاۋعا قاتىسۋشىلار عاجايىپقا ۇمىتتەنىپ، تاۋەكەلمەن قۇجات وكىزۋگە ءماجبۇر»، - دەپ ءتۇسىندىردى تالعات ەرعاليەۆ.

جوسپارلى قۇرىلىستىڭ سالدارىنان وسىلايشا جۇمىستىڭ ساپاسى اقسايتىن كورىنەدى.

«ءبىراق قۇرىلىسشى كۇتكەن ءۇمىت بولايتىنى ايتپاسا دا تۇسىنىكتى. سوندىقتان ول ءۇش جىل بۇرنعى ەسەپ بويىنشا بولىنگەن اقشاعا بىلىكتىلىگى تومەن ادامداردى جالداپ، ارزان ماتەريالداردى ساالىپ امالدايدى. جاڭا عانا بەرىلگەن ۇيلەردىڭ پليتالارى قيراپ، سىلاقتارى ءتۇسىپ جاتاتىنى سوندىقتان»، - دەپ تۇيىندەدى قازاقستان قۇرىلىسشىلارى وداعىنىڭ باسشىسى.

اۆتور: ەسىمجان ناقتىباي