جەتىسايدا تابىلدى دەگەن الىپ كەسىرتكە قازنەتتى شوشىتتى
جەلى قولدانۋشىلارى كوزى جابىق، تۇمسىعى قانسىراعان كەسىرتكەنىڭ سۋرەتىن تاراتتى. بولجام بويىنشا، جانۋار ءولى.
سۋرەت سيپاتتاماسىندا كەسىرتكە تۇركىستان وبلىسى جەتىسايدان تابىلعانى ايتىلادى. كەيبىر جەلى قولدانۋشىلار سۋرەتتەگى ورتالىق ازيا سۇر كەسىرتكەسى بولۋى مۇمكىن ەكەنىن اتاپ ءوتتى. كەسىرتكەنىڭ بۇل ءتۇرى قازاقستاننىڭ وڭتۇستىك ايماقتارىندا مەكەندەيدى.
Tengrinews.kz رەداكتسياسى جاعدايدى انىقتاۋ ءۇشىن تۇركىستان وبلىسى اكىمدىگىنە حابارلاستى. شەنەۋنىكتەر ايماقتا ءولى كەسىرتكە تابىلماعانىن ايتتى.
«جەتىساي اكىمدىگى بۇل وقيعادان بەيحابار. ولار بۇل جاعداي جەتىسايدا تىركەلۋى مۇمكىن ەمەس ەكەنىن ايتتى. بۇل - قاتە اقپارات. سونىمەن قاتار، سۋرەتتەگى ايماق جەتىسايعا ۇقسامايدى. كەيبىرەۋلەر سۋرەتتەگى جاعداي مەكسيكادا بولعان دەپ بولجايدى. بۇرىن ينتەرنەتتە وسىعان ۇقساس ولگەن كەسىرتكەنىڭ سۋرەتى جاريالاندى»، - دەدى ءوڭىر اكىمدىگىنىڭ باسپا ءسوز قىزمەتى وكىلدەرى.
