ءۇندىستان مەن مالايزيادا كوروناۆيرۋس ءورشىپ تۇر

وتكەن تاۋلىكتە ينفەكسيا سالدارىنان 487 ناۋقاس قايتىس بولدى، 14990 جاڭا SARS- CoV-2 تاسىمالداۋشىسى انىقتالدى. ولاردىڭ ىشىندە شەتەلدەن ينفەكتسيا تاسىمالدانۋىنىڭ 5 جاعدايى بار. جالپى العاندا، كوروناۆيرۋستىق پاندەميا باستالعاننان بەرى ينفەكتسيا جۇقتىرعاندار سانى 2142924 كە جەتتى، 24565 ادام قايتىس بولدى. قازىرگى تاڭدا مالايزيانىڭ جۇقپالى اۋرۋلار گوسپيتالدارىنىڭ رەانيماتسيا بولىمشەلەرىندە 1114 پاتسيەنت بار، ولاردىڭ 615 ءى جاساندى تىنىس الۋ اپپاراتىنا قوسىلعان.

ءۇندىستاندا COVID-19 ۆيرۋسىنىڭ تاراۋى تاۋلىگىە %18 ارتتى. ۆيرۋستى 31923 ادام جاڭادان جۇقتىرسا، 282 ادام وسى ناۋقاستان كوز جۇمعان. بۇل وسى اپتاداعى انتيرەكورد. ەلدە قۇربان بولعاندار سانى 446050 ادامعا دەيىن ءوستى.

ءۇندىستان الەمدەگى حالىق سانى ەڭ كوپ مەملەكەتتەردىڭ ءبىرى. كوروناۆيرۋس تاراعالى ۆيرۋس جۇقتىرعاندار سانى 33563421 گە جەتتى. ەلدە جاپپاي ۆاكسيناتسيا جالعاسۋدا، ءبىرىنشى كومپونەنتپەن 83 ميلليوننان استام تۇرعىن ەگىلدى.