ۇيىمە گاز تارتام دەگەن استانالىقتارعا «حالىق بانكى» ءبىر جارىم جىل مەرزىمگە دەيىن پايىزسىز نەسيە بەرەدى

«بۇگىندە 15 مىڭنان استام تۇرعىنعا گازداندىرۋ پروتسەسىنە قاتىستى كەڭەس بەرىلدى. باعاعا كەلسەك، 2021-جىلعى 1- شىلدەدە بەكىتىلگەن تاريفكە سايكەس ەلوردادا گازدىڭ ءار تەكشە مەترى 38,3 تەڭگەنى قۇرايدى. سونداي-اق، تۇتىنۋشىلاردىڭ گازعا قوسىلۋ شىعىندارىن ازايتۋ ماقساتىندا قالالىق الەۋمەتتىك قورعاۋ باسقارماسى الەۋمەتتىك وسال توپقا جاتاتىن تۇرعىندار ءۇشىن 263 مىڭ تەڭگە مولشەرىندە وتەماقى قاراستىرىپ وتىر. سول سياقتى حالىقتى كوگىلدىر وتىنمەن قامتۋ جوباسى اياسىندا گاز باعاسىن ەسەپتەۋ قۇرالىن ساتىپ الۋ قاراستىرىلعان جانە ول تۇتىنۋشىلارعا تەگىن تاراتىلادى. ودان بولەك، قالا اكىمدىگى «حالىق بانكى» - مەن مەموراندۋم جاساستى. ونىڭ اياسىندا ۇيىمە گاز تارتام دەگەن تۇرعىندارعا ءبىر جارىم جىل مەرزىمگە 750 مىڭ تەڭگەگە دەيىن پايىزسىز نەسيە بەرىلەدى»، - دەدى نۇر-سۇلتان قالاسى وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى تولەگەن قۇلۇشيەۆ.

بۇعان دەيىن اتالعان باسقارما باسشىسى ەلوردانى گازعا قوسۋ قالادان شىعاتىن قالدىقتاردىڭ كولەمىن 40 مىڭ تونناعا دەيىن ازايتۋعا مۇمكىندىك بەرەتىنى تۋرالى ايتتى.

ايتا كەتسەك، بۇگىن نۇر-سۇلتان قالاسى ءماسليحاتىنىڭ تۇراقتى كوميسسيا وتىرىسىندا ەلوردا جۇرتشىلىعىن كوگىلدىر وتىنمەن قامتۋ ماسەلەسى قارالدى.