قازاقستان ۆاكسيناسى «دەلتا» شتامىنان ءتيىمدى قورعايدى – زەرتتەۋ

عالىمدار بەيتاراپتاندىرۋ رەاكسياسىنا تەست وتكىزدى، ناتيجەسىندە وتاندىق «QazVac» ۆاكسيناسىمەن ەگىلگەندەر انتيدەنەلەردىڭ جوعارى دەڭگەيىن كورسەتتى. ۆيرۋستى بەيتاراپتاندىراتىن انتيدەنەلەر كلينيكالىق زەرتتەۋلەرگە قاتىسقان ەرىكتىلەردىڭ % 90- نان استامىندا انىقتالدى. سونداي- اق زەرتحانالىق جانۋارلارعا تاجىريبەلەر جۇرگىزىلدى. QazVac ۆاكسيناتسياسىنان كەيىن حومياكتاردا پايدا بولعان انتيدەنەلەر كوروناۆيرۋستىڭ «ءۇندى شتاممىن» بەيتاراپتاندىرۋعا قابىلەتتى ەكەندىگى انىقتالدى.

«ءبىز QazVac ۆاكسيناسى قۇرعان انتيدەنەلەردىڭ «ۋحان»، «بريتاندىق الفا»، «ۇندىلىك دەلتا» سياقتى كوروناۆيرۋستىڭ جاڭا شتامدارىن بەيتاراپتاندىرۋ قابىلەتىن انىقتاۋ ماقساتىندا زەرتتەۋ جۇرگىزدىك. ناتيجەلەر ۆاكسيناتسيادان كەيىنگى انتيدەنەلەردىڭ يممۋنيتەتتى قالىپتاستىراتىنىن جانە ۆيرۋستىڭ ءۇش ءتۇرىن دە بەيتاراپتاندىرۋعا قابىلەتتى ەكەنىن كورسەتتى. سونداي- اق ءبىز زەرتحانالىق جانۋارلارعا تاجىريبەلەر جۇرگىزدىك: «QazVac» ۆاكسيناسىن العان جانە ۆاكسيناتسيالانباعان زەرتحانالىق حومياكتاردى الدىق. ءبىراز ۋاقىتتان كەيىن ولارعا دەلتا شتاممىن جۇقتىردىق. ناتيجەسىندە ۆاكسيناتسيالانباعان حومياكتار كوروناۆيرۋستىڭ دەلتا شتاممىن جۇقتىردى. ال «QazVac» ۆاكسيناسىمەن ەگىلگەن جانۋارلار اۋىرماي، «دەلتا» ۆيرۋسىنىڭ شتاممىنان قورعالعان بولىپ شىقتى»، - دەپ اتاپ ءوتتى ق ر ب ع م ع ك بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا.

الىنعان مالىمەتتەر «QazVac» - تىڭ كوروناۆيرۋستىڭ بار شتامدارىنا قارسى تيىمدىلىگىن، ونىڭ ىشىندە وتاندىق ۆاكسينانىڭ دەلتا شتاممىنان قورعاۋ قابىلەتىن راستادى.

ايتا كەتەيىك، كوروناۆيرۋسىنا قارسى «QazVac» ۆاكسيناسىن ق ر ب ع م عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ عالىمدارى ازىرلەگەن. 60 جىلدان استام تاريحى بار ب ق پ ع ز ي- دا بيولوگيالىق قاۋىپسىزدىك، ۆيرۋسولوگيا، ميكروبيولوگيا، يممۋنولوگيا سالاسىندا جۇمىس تاجىريبەسى مول.

ينستيتۋت عالىمدارى پرەپاراتتاردىڭ 60 تان استام ءتۇرىن، سونىڭ ىشىندە 30 ۆاكسينانى، 16 تەست- جۇيەنى جانە 15-تەن استام ءتۇرلى بيوپرەپاراتتاردى ازىرلەپ، ەنگىزدى. سوڭعى 10 جىلدا ينستيتۋت قۇس جانە شوشقا تۇماۋىنا قارسى وتاندىق ۆاكسينالاردى دايىنداۋ تەحنولوگياسىن جاسادى.