+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

تاشكەنتتە «جىبەك جولىنىڭ ءىنجۋ- مارجانى» حالىقارالىق كينوفەستيۆالى وتەدى

23 قىركۇيەك 15:28
:ءبولىسۋ
تاشكەنتتە «جىبەك جولىنىڭ ءىنجۋ- مارجانى» حالىقارالىق كينوفەستيۆالى وتەدى

تاشكەنت. قازاقپارات - تاشكەنتتە 28 - قىركۇيەك پەن 3- قازان ارالىعىندا «جىبەك جولىنىڭ ءىنجۋ- مارجانى» حالىقارالىق كينوفەستيۆالى وتەدى.

بۇل تۋرالى وزبەكستان كينەماتوگرافيا اگەنتتىگى باسپا ءسوز قىزمەتىنەن حابارلاندى.

وزبەكستان رەسپۋبليكاسى پرەزيدەنتى شاۆكات ميرزييەۆتىڭ باستاماسىمەن قايتا جاڭعىرعان كينوفەستيۆالدىڭ اشىلۋ سالتاناتىنا 37 ەلدەن 400-گە جۋىق شەتەلدىك كينورەجيسسەر مەن 55 تانىمال كينو جۇلدىزدارى قاتىسادى.


وزبەكستان كينەماتوگرافيا اگەنتتىگىنىڭ ۇيىمداستىرۋىمەن وتەتىن وسى شاراعا ازەربايجان، بەلارۋس، ەگيپەت، يزرايل، ا ق ش، ءۇندىستان، يتاليا، يران، قازاقستان، قىرعىزستان، پولشا، رەسەي، تاجىكستان مەن تۇركيادان كينو ونەرىنىڭ تانىمال وكىلدەرى قاتىسادى. حالىقارالىق كينوفەستيۆال شەڭبەرىندەگى «الەمدىك كينو كۇندەرى» كەزىندە 14 ەلدىڭ - ازەربايجان، بەلارۋس، ەگيپەت، يزرايل، ءۇندىستان، يتاليا، يران، قازاقستان، قىرعىزستان، پولشا، رەسەي، تاجىكستان، تۇركيا مەن وزبەكستاننىڭ كينو كۇندەرى وتەدى.


تاشكەنت حالىقارالىق كينوفەستيۆالىندە قازاقستاندىق كينوگەرلەر دە ءوز فيلمدەرىن ۇسىنادى. فەستيۆالعا قازاقستاننان نۇرجۇمان ىقتىمبايەۆ، جاننات قۋانىشيەۆا، ساتىبالدى تەكەيەۆ، ارۋجان جازىلبەكوۆا، ازامات ساتىبالدى، ءدىلشات راحماتۋللين، سامال ەسلياموۆا، الماز مالدىبايەۆ، اداي ءابىلدينوۆ، ايبيكە راقىمجانوۆا، ديانا تۇرسىنداردىڭ كەلۋى كۇتىلۋدە.

فەستيۆال اياسىندا قازاقستاندىق كينوگەرلەر تۇسىرگەن «مۇزبالاق»، «كۇلتەگىن»، «امرە»، «ءبىر سەن ءۇشىن»، «امانات» فيلمدەرى كورسەتىلەدى. ولاردىڭ قاتارىندا اقان ساتايەۆتىڭ «اناعا اپارار جول» فيلمى بار.


«الەمدىك كينو كۇندەرىندە» ءار ەلدىڭ وكىلدەرى ءوز فيلمدەرىن تەك ەل استاناسىندا عانا ەمەس، وزبەكستاننىڭ ءتۇرلى قالالارىندا دا ۇسىنادى. قازاقستاننىڭ كينوتۋىندىلارى - ەرلان نۇرمۇحامبەتوۆتىڭ «جىلقى ۇرىلارى» فيلمى 1- قازاندا ءاندىجان وبلىسىندا، ءسابيت قۇرمانبەكوۆتىڭ «ورالمان» فيلمى 2 - قازاندا فەرعانادا كورسەتىلەدى.

قازاقستاندىق دەلەگاتسيا مۇشەلەرى فەستيۆالدىڭ سوڭعى كۇنى قوناقتار تاشكەنتكە ورالىپ، «رەنەسسانس حولل» كينوكونسەرت زالىندا تاشكەنت حالىقارالىق كينوفەستيۆالىنىڭ جابىلۋ سالتاناتىنا قاتىسادى.

ايتا كەتۋ كەرەك، تاشكەنتتە 1968-1997 -جىلدار ارالىعىندا ازيا، افريكا جانە لاتىن امەريكاسى ەلدەرىنىڭ حالىقارالىق كينوفەستيۆالى وتكىزىلىپ كەلگەن.

اۆتور: تۇرسىنالى احمەدوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات