10:02, 23 - قىركۇيەك 2021 | GMT +6
پرەزيدەنت: اۋعانستانداعى اۋىر گۋمانيتارلىق جاعدايعا باسا ءمان بەرۋىمىز قاجەت
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ب ۇ ۇ باس اسسامبلەياسى 76-سەسسياسىنىڭ جالپى دەباتتارىندا سويلەگەن سوزىندە اۋعانستانداعى جاعدايعا توقتالدى، دەپ حابارلايدى قازاقپارات.
«قازاقستان اۋعانستاننىڭ بولاشاقتا ءوز ىشىندە بىرلىگى جاراسقان جانە كورشىلەرىمەن تاتۋ تۇراتىن تاۋەلسىز ءارى ەگەمەن مەملەكەت بولعانىن قالايدى. اۋعانستان ءوزىنىڭ حالىقارالىق مىندەتتەمەلەرىن ورىنداۋدى جالعاستىرىپ، ەل اۋماعىن تەرروريستتەر، ەسىرتكى تاسىمالداۋشىلار مەن ادام ساۋداسىمەن اينالىساتىنداردىڭ وشاعىنا اينالدىرماۋى ءتيىس. ءوزىمىزدىڭ ساياسي نەمەسە جەكە پىكىرلەرىمىزگە قاراماستان، اۋعان حالقىنىڭ تاعدىرىنا بەي- جاي قاراي المايمىز. اۋعانستانداعى اۋىر گۋمانيتارلىق جاعدايعا باسا ءمان بەرۋىمىز قاجەت. ب ۇ ۇ مەكەمەلەرى مەن باسقا دا گۋمانيتارلىق ۇيىمدارعا جىلدام، قاۋىپسىز ءارى كەدەرگىسىز گۋمانيتارلىق قولجەتىمدىلىك بەرىلۋى ءتيىس»، - دەدى قاسىم- جومارت توقايەۆ.