دۇيسەنبىدە اۋا رايى قۇبىلمالى، جاڭبىر جاۋىپ ارتى قارعا ۇلاسۋى مۇمكىن

20-قىركۇيەكتە ەلىمىزدىڭ باسىم بولىگىندە فرونتالدى بولىكتەردىڭ ىقپالىمەن اۋا رايى قۇبىلمالى بولادى. وڭتۇستىكتە، وڭتۇستىك- شىعىستا، باتىستا نايزاعاي ويناپ، جاڭبىر جاۋادى، سولتۇستىكتە، شىعىستا ازداعان جاڭبىر جاۋىپ ارتى قارعا ۇلاسادى. قالعان وڭىرلەردە انتيسيكلون اسەرىنەن كۇن رايى اشىق بولادى. ەلىمىزدىڭ باسىم بولىگىندە جەل كۇشەيەدى، شىعىستا جانە ورتالىقتا تۇمان ءتۇسۋى ىقتيمال. تۇندە سولتۇستىك قازاقستان وبلىسىنىڭ سولتۇستىك- شىعىسىندا، پاۆلودار وبلىسىنىڭ سولتۇستىگىندە، كۇندىز باسىم بولىگىندە جەل 15-20 م/س كۇشەيەدى.

شىعىس قازاقستان وبلىسىندا سولتۇستىك- باتىستا، سولتۇستىكتە، سولتۇستىك- شىعىستا تۇمان ءتۇسۋى مۇمكىن، جەل 15-20 م/س كۇشەيەدى. قاراعاندى وبلىسىندا تۇندە جانە تاڭەرتەڭ سولتۇستىكتە، ورتالىقتا تۇمان ءتۇسۋى ىقتيمال، كۇندىز سولتۇستىكتە، شىعىستا جەل 15-20 م/س كۇشەيەدى. جامبىل وبلىسىنىڭ وڭتۇستىك- شىعىسىندا، تاۋلى اۋداندارىندا نايزاعاي ويناپ، بۇرشاق جاۋادى، جەل 15-20 م/س كۇشەيەدى. تۇركىستان، كۇندىز الماتى وبلىستارىنىڭ تاۋلى اۋداندارىندا جەل 15-20 م/س كۇشەيەدى.

اقمولا، قوستاناي وبلىستارىنىڭ سولتۇستىگىندە جەل 15-20 م/س كۇشەيەدى. ماڭعىستاۋ وبلىسىنىڭ كۇندىز ورتالىعىندا، وڭتۇستىگىندە، اتىراۋ وبلىسىنىڭ باتىسىندا نايزاعاي جارقىلدايدى. تۇندە باتىس قازاقستان وبلىسىنىڭ توپىراق بەتىندە، اقمولا وبلىسىنىڭ سولتۇستىگىندە، شىعىسىندا، اقتوبە وبلىسىنىڭ سولتۇستىگىندە، قوستاناي، شىعىس قازاقستان وبلىستارىنىڭ باتىسىندا، سولتۇستىك قازاقستان وبلىسىنىڭ وڭتۇستىك- باتىسىندا، پاۆلودار وبلىسىنىڭ وڭتۇستىگىندە، قاراعاندى وبلىسىنىڭ باتىسىندا، شىعىسىندا جانە ورتالىعىندا 3 گرادۋس ۇسىك جۇرەدى.

الماتى، جامبىل، تۇركىستان، قىزىلوردا، ماڭعىستاۋ، اتىراۋ، اقتوبە وبلىستارىنىڭ باسىم بولىگىندە، قوستاناي وبلىسىنىڭ وڭتۇستىك- باتىسىندا، باتىسىندا، ورتالىعىندا، قاراعاندى وبلىسىنىڭ وڭتۇستىك- باتىسىندا جانە ورتالىعىندا، باتىس قازاقستان وبلىسىنىڭ سولتۇستىك- شىعىسىندا جانە وڭتۇستىگىندە، پاۆلودار وبلىسىنىڭ ورتالىعىندا، شىعىس قازاقستان وبلىسىنىڭ وڭتۇستىگىندە، اقمولا وبلىسىنىڭ سولتۇستىك- باتىسىندا توتەنشە ءورت قاۋپى ساقتالادى.