كانار ارالدارىندا جانارتاۋ اتقىلاي باستادى

«جانارتاۋ اتقىلادى. وسى اۋداننان قاشىقتاۋ جۇرىڭىزدەر. بيلىكتىڭ نۇسقاۋلارىن ورىنداڭىزدار»، - دەپ جازدى وڭىرلىك توتەنشە جاعدايلار قىزمەتى Twitter- دەگى پاراقشاسىندا.

ەل- پاسو كەنتىنىڭ ماڭىندا جانارتاۋ اتقىلاي باستادى، وندا بەلسەندى كۋمبرە- ۆەحا جانارتاۋلار تىزبەگى ورنالاسقان. EFE اگەنتىگىنىڭ حابارلاۋىنشا، كراتەردەن ۆۋلكان اتقىلاپ جاتىر.

جەرگىلىكتىڭ بيلىكتىڭ مالىمدەۋىنشە، ارالداعى ءجۇرىپ- تۇرۋى قيىن تۇرعىنداردى ەۆاكۋاتسيالاۋ باستالعان. سونداي- اق، بىرنەشە تاسجولدا كولىك ءجۇرىسى توقتاتىلدى.

كانار ارالدارىنىڭ ۆۋلكانولوگيا ينستيتۋتى بۇدان بۇرىن ارالدا سەيسميكا بەلسەندىلىگى كۇشەيىپ كەلە جاتقاندىقتان اپاتتىڭ جاقىنداپ قالعانى جونىندە ەسكەرتۋ جاساعان ەدى.

ەڭ كۇشتى جەر سىلكىنىسىنىڭ تەربەلىسى 4,2 بولدى. ايتا كەتەرلىگى، پالما ارالىندا سوڭعى رەت 1971 -جىلى جانارتاۋ اتقىلاعان.