+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

الماتىنىڭ ەكى ميلليونىنشى تۇرعىنى ايالا جامبىلدىڭ وتباسى باسپانالى بولدى

19 قىركۇيەك 13:07
:ءبولىسۋ
الماتىنىڭ ەكى ميلليونىنشى تۇرعىنى ايالا جامبىلدىڭ وتباسى باسپانالى بولدى

الماتى. قازاقپارات - مەگاپوليستىڭ ەكى ميلليونىنشى تۇرعىنى ايالا جامبىلدىڭ وتباسى قونىس تويىن تويلايدى. قالا كۇنى ولارعا الماتى قالاسىنىڭ اكىمى باقىتجان ساعىنتايەۆ جاڭا پاتەردىڭ كىلتىن تاپسىردى، دەپ حابارلايدى قازاقپارات ءتىلشىسى.

ايالا جامبىل 2021 -جىلى 21-ماۋسىمدا دۇنيەگە كەلدى جانە ۇلتتىق ستاتيستيكا بيۋروسىنىڭ مالىمەتى بويىنشا ول الماتىنىڭ ەكى ميلليونىنشى تۇرعىنى بولدى. مەرەكە كۇنى قالا اكىمى باقىتجان ساعىنتايەۆ ايالانىڭ اتا- اناسىنا ناۋرىزباي اۋدانىنداعى «الما سيتي-5» تۇرعىن ءۇي كەشەنىندەگى ءۇش بولمەلى جاڭا پاتەردىڭ كىلتىن تاپسىردى. قالا اكىمى وتباسىنا زور دەنساۋلىق، باقىت پەن بەرەكە تىلەدى.

قالا كۇنى التى بالا ءوسىپ كەلە جاتقان جامبىل وتباسى ءۇشىن قۋانىشتى كۇنگە اينالدى. جەرگىلىكتى اتقارۋشى ورگانداردىڭ قولداۋىنىڭ ارقاسىندا كوپبالالى وتباسىنىڭ جەكە باسپانا تۋرالى ارمانى ورىندالدى. ەكى ميلليونىنشى الماتىلىق ايالا جامبىل پوليتسيا قىزمەتكەرى بەيبىت ابىلدايەۆ پەن بالاباقشا تاربيەشىسى ءاليا جانىبەكوۆانىڭ وتباسىندا دۇنيەگە كەلدى. ول وتباسىنداعى التىنشى قىز. بۇعان دەيىن كوپبالالى وتباسى «قارعالى» شاعىناۋدانىندا اتا- اناسىنىڭ ۇيىندە تۇرعان.

«انا رەتىندە بالالارىمنىڭ تۋعان كۇندەرى ەڭ باقىتتى ءسات بولسا، ال بۇگىن پاتەر كىلتىن الۋ ەشقاشان ۇمىتىلمايتىن ەڭ باقىتتى كۇن. ءبىز قالادان مۇنداي سىيلىق الامىز دەپ كۇتپەگەن ەدىك»، - دەدى ءاليا جانىبەكوۆا.

ايتا كەتەيىك، الماتىدا جىل باسىنان بەرى كومەككە مۇقتاج 2340 وتباسى جەڭىلدەتىلگەن نەسيە اياسىندا تۇرعىن ۇيمەن قامتاماسىز ەتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات