الەمدەگى كوروناۆيرۋس: بانگكوكتە تۋريزم ماۋسىمى شەگەرىلدى، شۆەيتساريا ەلگە كەلۋ ەرەجەسىن وزگەرتتى
تايلاند بيلىگى قالادا ۆاكتسيناتسيانىڭ تومەن قارقىنىنا بايلانىستى شەتەلدىك تۋريستەر ءۇشىن بانگكوكتىڭ اشىلۋىن كەيىنگە قالدىردى، مەرزىم قازان ايىنىڭ 1 نەن 15 نە اۋىستىرىلدى. حالىقارالىق ءتۋريزمنىڭ باستالۋ كۇنى باسقا ايماقتاردا - پاتتايا كۋرورتى ورنالاسقان چونبۋري، چيانگ ماي، پحەتبۋري جانە پراچۋاپكحيريكحاندا كەيىنگە جىلجۋى مۇمكىن.
شۆەيتساريا ۇكىمەتى ەلگە كىرۋدىڭ جاڭا ەرەجەسىن ەنگىزدى. 20 -قىركۇيەكتەن باستاپ ۆاكسينا سالدىرعانىن نەمەسە اۋرۋدان ايىققانىن راستايتىن قۇجات بولماعان كەزدە ساياحاتشىلار تەرىس تەست ناتيجەسىن ۇسىنۋى كەرەك. سودان كەيىن 4-7 كۇننەن كەيىن قايتا تەكسەرۋدەن ءوتۋ قاجەت بولادى.
لوندون مەتروسىنىڭ وپەراتورلارى COVID-19-عا بايلانىستى ەسكالاتورلاردا قۇلاپ قالۋ جاعدايلارىنىڭ وسكەنىن حابارلادى. دەنساۋلىعىنا اسا ساقتىقپەن قارايتىن جولاۋشىلار ۆيرۋس جۇقتىرۋدان قورقىپ، ەسكالاتور قورشاۋىن ۇستاماۋعا تىرىسادى.
تاعى ءبىر سەبەپ - پابتارعا بارۋعا شەكتەۋدى الىپ تاستاۋ، سەبەبى ماس جولاۋشى سانى ارتىپ كەتكەن.