قازاقستاندىق ۆاكسينانىڭ تيىمدىلىگى دالەلدەندى - قاسىم-جومارت توقايەۆ

None
None
نۇر-سۇلتان. قازاقپارات - QazVac ۆاكسينامىز سىن تەزىنەن لايىقتى ءوتتى.

بۇل تۋرالى دۋشانبەدەگى شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىندا قازاقستان پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«كوروناۆيرۋسپەن كۇرەس ءبىزدىڭ كۇنتارتبىمىزدەگى وزەكتى تاقىرىپتاردىڭ ءبىرى بولىپ قالىپ وتىر. پاندەميانىڭ ەڭ قيىن كەزەڭىندە شىۇ بويىنشا ارىپتەستەر شىندىعىندا ىنتىماقتاستىقتىڭ «شاڭحاي رۋحىن» تانىتقانىن زور قۋانىشپەن اتاپ وتەمىن. وسى رەتتە ءوزارا گۋمانيتارلىق كومەك كورسەتىلدى. پاندەمياعا قارسى ءىس-قيمىلدا باتىل بەتبۇرىس حالىقتى جاپپاي يممۋنداۋعا ۇيلەستىرىلگەن قادام جاعدايىندا عانا مۇمكىن بولادى»، - دەپ توقتالدى قازاقستان پرەزيدەنتى. وسى ورايدا مەملەكەت باسشىسى كومەككە مۇقتاج تاراپتاردى ەلەۋسىز قالدىرۋعا بولمايتىنىن قاداپ ايتتى. بۇل تۇرعىدا قازاقستاننىڭ سالماقتى ۇسىنىستارى بار.

«QazVac ۆاكسينامىز سىن تەزىنەن لايىقتى ءوتتى. كلينيكالىق سىناقتار ونىڭ تيىمدىلىگىن دالەلدەدى. ءبىز پرەپاراتتى گۋمانيتارلىق كومەك رەتىندە كورشىلەس ەلدەرگە جەتكىزە باستادىق»، - دەدى ق. توقايەۆ.

اۆتور: رۋسلان عابباسوۆ


سوڭعى جاڭالىقتار