+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

الماتىدا الاياقتار جالعا الىنعان قىمبات پاتەر مەن كولىكتەردى ساتىپ وتىرعان

17 قىركۇيەك 12:51
:ءبولىسۋ
الماتىدا الاياقتار جالعا الىنعان قىمبات پاتەر مەن كولىكتەردى ساتىپ وتىرعان

الماتى. قازاقپارات - الماتىدا جالعا الىنعان پاتەر مەن كولىكتى ساتىپ جىبەرەتىن ەكى ەر ادام ۇستالدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، 1983 جانە 1985 -جىلى تۋعان ەر ادامدار بىرنەشە اي بويى قىمبات كولىكتەر مەن پاتەرلەردى جالعا الىپ، ولاردى قىسقا مەرزىمدە ارزان باعاعا قايتا ساتقان.

«ساتىپ الۋشىلاردى تانىستار ارقىلى تاۋىپ وتىرعان. ولار ساتىپ الۋشىلارعا جىلجىمايتىن مۇلىكتىڭ قۇجاتتارىن كەيىنىرەك بەرەمىز دەپ سەندىرگەن. وسى سوزگە الدانىپ قالعان ازاماتتار اقشانى تولىق تولەگەن. الاياقتىق فاكتىسى بويىنشا ق ر ق ك-نىڭ 190-بابى 4-بولىگى بويىنشا سوتقا دەيىنگى تەرگەۋ باستالدى. تەرگەۋ شارالارى بارىسىندا «دۋەتتىڭ» قىلمىستىق ارەكەتىنىڭ قوسىمشا ەپيزودتارى انىقتالدى»، - دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ. قازىرگى ۋاقىتتا ولارعا قاتىستى تاعى بەس قىلمىستىق ەپيزود دالەلدەندى. تەرگەۋ كەزەڭىندە ۇستالعاندارعا قاتىستى قاماۋ تۇرىندەگى بۇلتارتپاۋ شاراسى تاڭدالدى.

«ەگەر سىزدەر وسى ادامداردىڭ قىلمىستىق ارەكەتىنەن زارداپ شەككەن بولساڭىزدار، بىزگە مىنا تەلەفون نومىرلەرىنە حابارلاسىڭىزدار: 77087079202+؛ 77055557763+؛ 77757744441+ جانە 77751061884+» دەدى پوليتسيا وكىلى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات